National
സല്‍മാന്‍ ഖാന്റെ സഹോദരിയുടെ വജ്രാഭരണം മോഷ്ടിച്ച കേസ്; വീട്ടുജോലിക്കാരന്‍ അറസ്റ്റില്‍
പൊലീസ് നടത്തിയ അന്വേഷണത്തില്‍ അര്‍പ്പിതയുടെ വീട്ടില്‍ ജോലി ചെയ്തിരുന്ന സന്ദീപ് ഹെഗ്‌ഡെ(30)യെ പൊലീസ് അറസ്റ്റ് ചെയ്തു.
മുംബൈ| സല്‍മാന്‍ ഖാന്റെ സഹോദരി അര്‍പ്പിത ഖാന്‍ ശര്‍മ്മയുടെ വജ്രാഭരണം മോഷ്ടിച്ച കേസില്‍ വീട്ടുജോലിക്കാരന്‍ അറസ്റ്റില്‍. മെയ് 16നായിരുന്നു അര്‍പ്പിതയുടെ അപ്പാര്‍ട്ട്മെന്റില്‍ നിന്ന് വജ്ര കമ്മലുകള്‍ മോഷണം പോയത്. തുടര്‍ന്ന് അവര്‍ മുംബൈ പൊലീസില്‍ പരാതി നല്‍കുകയായിരുന്നു. മേക്കപ്പ് ട്രേയില്‍ വെച്ചിരുന്ന അഞ്ച് ലക്ഷം രൂപ വിലമതിക്കുന്ന കമ്മല്‍ കാണാനില്ലെന്നാണ് പരാതി. പൊലീസ് നടത്തിയ അന്വേഷണത്തില്‍ അര്‍പ്പിതയുടെ വീട്ടില്‍ ജോലി ചെയ്തിരുന്ന സന്ദീപ് ഹെഗ്‌ഡെ(30)യെ പൊലീസ് അറസ്റ്റ് ചെയ്തു.
നാല് മാസം മുമ്പാണ് സന്ദീപ് അര്‍പ്പിതയുടെ വീട്ടില്‍ ജോലിക്ക് വന്നത്. മുംബൈയിലെ വൈല്‍ പാര്‍ലെ ഈസ്റ്റിലെ അംബേവാഡി ചേരിയിലെ വീട്ടില്‍ വെച്ചാണ് സന്ദീപിനെ പൊലീസ് അറസ്റ്റു ചെയ്തത്. അവിടെ വെച്ച് ആഭരണവും കണ്ടെത്തുകയായിരുന്നു. സന്ദീപ് ഉള്‍പ്പെടെ 12 പേരാണ് അര്‍പ്പിതയുടെ വീട്ടില്‍ സഹായികളായി ജോലി ചെയ്യുന്നത്.
സീനിയര്‍ ഇന്‍സ്പെക്ടര്‍ മോഹന്‍ മാനേയുടെ നേതൃത്വത്തില്‍ വിനോദ് ഗൗങ്കര്‍, ലക്ഷ്മണ്‍ കാക്ഡേ, ഗൗലി എന്നിവരടങ്ങുന്ന സംഘമാണ് പ്രതിയെ പിടികൂടിയത്. ഐപിസി സെക്ഷന്‍ 381 പ്രകാരമാണ് സന്ദീപിനെതിരെ കേസെടുത്തിരിക്കുന്നത്.
Latest
ഗൂഗിള്‍ മാപ്പ് ചതിച്ചു; നിര്‍മാണം നടന്നുകൊണ്ടിരിക്കുന്ന പാലത്തില്‍ നിന്നും കാര്‍ നദിയിലേക്ക് മറിഞ്ഞ് മൂന്ന് മരണം
ഷാഹി ജമാ മസ്ജിദ് സര്‍വേക്കിടെ സംഘര്‍ഷം; പോലീസ് വെടിവെപ്പില്‍ മൂന്ന് മരണം
സംസ്ഥാന വനിതാ കമ്മിഷന്‍ അദാലത്ത്; 60 പരാതികളില്‍ 17 എണ്ണം തീര്‍പ്പാക്കി
കഴുത്തില്‍ കയര്‍ കുരുങ്ങി ബൈക്ക് യാത്രികന്‍ മരിച്ച സംഭവം; ആറ് പേര്‍ പോലീസ് കസ്റ്റഡിയില്‍
മദ്യപിച്ച് വാഹനം ഓടിച്ചു; നടന്‍ ഗണപതിക്കെതിരെ കേസ്
അങ്കണവാടിയില്‍ വീണ് മൂന്നു വയസുകാരിക്ക് പരിക്കേറ്റു
