സന്ദീപ് വാര്യര്‍ നാളെ പാണക്കാട് തങ്ങളെ കാണും

പാലക്കാട്  | ബിജെപി വിട്ട് കോണ്‍ഗ്രസില്‍ ചേര്‍ന്ന സന്ദീപ് വാര്യര്‍ നാളെ പാണക്കാട്ടെത്തും. നാളെ രാവിലെ എട്ടിന് സന്ദീപ് വാര്യര്‍ പാണക്കാട് തങ്ങളുമായി കൂടിക്കാഴ്ച നടത്തും. മുസ്ലിം ലീഗ് അധ്യക്ഷന്‍ പാണക്കാട് സാദിഖലി തങ്ങളേയും യൂത്ത് ലീഗ് അധ്യക്ഷന്‍ മുനവ്വറലി തങ്ങളെയും സന്ദീപ് കാണുമെന്നാണ് അറിയുന്നത്. കോണ്‍ഗ്രസിലെത്തിയ സന്ദീപ് വാര്യറെ മുനവ്വറലി ശിഹാബ് തങ്ങള്‍ സാമൂഹികമാധ്യത്തിലൂടെ സ്വാഗതം ചെയ്തതിരുന്നു. ഇതിന് പിന്നാലെയാണ് സന്ദീപ് പാണക്കാട് സന്ദര്‍ശനത്തിന് ഒരുങ്ങുന്നത്

ബിജെപി ദേശീയ നേതാക്കളുമായും, ആര്‍എസ്എസ് നേതാക്കളുമായും അടുത്ത ബന്ധം പുലര്‍ത്തിയിരുന്ന സന്ദീപ് വാര്യരെ പാളയത്തിലെത്തിക്കാന്‍ കഴിഞ്ഞത് വലിയ നേട്ടമായാണ് കോണ്‍ഗ്രസ് വിലയിരുത്തുന്നത്.