സഊദി വിദേശകാര്യമന്ത്രി വാഷിംഗ്ടണിൽ യുഎസ് വിദേശകാര്യമന്ത്രിയുമായി കൂടിക്കാഴ്ച നടത്തി

റിയാദ്| സഊദി വിദേശകാര്യ മന്ത്രി പ്രിന്‍സ് ഫൈസല്‍ ബിന്‍ ഫര്‍ഹാന്‍ രാജകുമാരന്‍ യുഎസ് തലസ്ഥാനമായ വാഷിംഗ്ടണില്‍ സ്റ്റേറ്റ് സെക്രട്ടറി മാര്‍ക്കോ റൂബിയോയുമായി കൂടിക്കാഴ്ച നടത്തിയതായി വാര്‍ത്താ ഏജന്‍സി റിപ്പോര്‍ട്ട് ചെയ്തു.

കൂടികാഴ്ചയില്‍ ഗാസ, സുഡാന്‍, യെമന്‍, റഷ്യ-ഉക്രെയ്ന്‍ പ്രതിസന്ധി എന്നിവയുള്‍പ്പെടെയുള്ള പ്രാദേശിക അന്തര്‍ദേശീയ വിഷയങ്ങളും, ഏകോപനവും സംയുക്ത നടപടിയും ശക്തിപ്പെടുത്തുത്തല്‍,അന്താരാഷ്ട്ര സമാധാനവും സുരക്ഷയും കൈവരിക്കുന്നതിനുള്ള ശ്രമങ്ങള്‍ക്ക് പുറമേ വിവിധ മേഖലകളിലെ ഉഭയകക്ഷി തന്ത്രപരമായ ബന്ധങ്ങളും അവസരങ്ങളും മെച്ചപ്പെടുത്തുന്നതിനെക്കുറിച്ചും ഇരുനേതാക്കളും ചര്‍ച്ച ചെയ്തു.

യുഎസിലെ സഊദി അംബാസഡര്‍ റീമ ബിന്റ് ബന്ദര്‍ രാജകുമാരിയും കൂടിക്കാഴ്ചയില്‍ പങ്കെടുത്തു. മെയ് മാസത്തില്‍ യുഎസ് പ്രസിഡന്റ് ഡൊണാള്‍ഡ് ട്രംപ് സഊദി അറേബ്യ സന്ദര്‍ശിക്കുമെന്ന് നേരത്തെ വൈറ്റ്ഹൗസ് അറിയിച്ചിരുന്നു.