SCHOOL OPENING
സ്‌കൂള്‍ തുറക്കല്‍: കരിക്കുലം കമ്മിറ്റി യോഗം ഇന്ന്
ഷിഫ്റ്റ് അടിസ്ഥാനത്തിലെ പഠനമടക്കം കരട് മാര്‍ഗനിര്‍ദേശങ്ങള്‍ യോഗം തയ്യാറാക്കും
തിരുവനന്തപുരം | കൊവിഡിനെ തുടര്‍ന്ന് ഒന്നര വര്‍ഷത്തിലേറെയായി അടഞ്ഞുകിടക്കുന്ന സംസ്ഥാനത്തെ സ്‌കൂളുകള്‍ തുറക്കുന്നതിനെക്കുറിച്ച് തീരുമാനമെടുക്കാന്‍ ഇന്ന് നിര്‍ണായക യോഗം. ഭരണതലത്തില്‍ നടക്കുന്ന കൂടിയാലോചനകള്‍ക്ക് മാനദണ്ഡങ്ങള്‍ ചര്‍ച്ച ചെയ്യാന്‍ എസ് സി ഇ ആര്‍ ടി വിളിച്ച കരിക്കുലം കമ്മിറ്റിയുടെ യോഗമാണ് ഇന്ന് നടക്കുക.
കുട്ടികള്‍ കൂടുതലുള്ള സ്‌കൂളുകളില്‍ ഷിഫ്റ്റ് അടിസ്ഥാനത്തില്‍ പഠനം വേണമെന്ന നിര്‍ദേശവും പരിഗണനയിലുണ്ട്. സ്‌കൂള്‍ തുറക്കുന്നതിനുള്ള കരട് മാര്‍ഗനിര്‍ദേശങ്ങള്‍ യോഗം തയാറാക്കും. ഇതിനുശേഷമാകും അധ്യാപക സംഘടനകളുടെ യോഗം ചേരുക. അധ്യാപക സംഘടകനളുടെ യോഗത്തില്‍ ഈ കരട് നിര്‍ദ്ദേശങ്ങള്‍ അവതരിപ്പിക്കും. ഇതു അടിസ്ഥാനമാക്കിയാകും ചര്‍ച്ചയും തീരുമാനവുമുണ്ടാകുക. കുട്ടികള്‍ കൂടുതലുള്ള സ്‌കൂളുകളില്‍ രണ്ട് ഷിഫ്റ്റുകളായി പഠനം വേണമെന്ന നിര്‍ദ്ദേശം ഉയര്‍ന്നിട്ടുണ്ട്.
മൂവയിരത്തിലധികം കുട്ടികള്‍ പഠിക്കുന്ന നിരവധി സ്‌കൂളുകള്‍ സംസ്ഥാനത്തുണ്ട്. പകുതി കുട്ടികളെ അനുവദിച്ചാല്‍ പോലും ആയിരത്തി അഞ്ഞൂറു കുട്ടികളെ ഒരേ സമയം സ്‌കൂളിലേക്ക് പ്രവേശിപ്പിക്കേണ്ടി വരും. ഇതൊഴിവാക്കാനാണ് ഷിഫ്റ്റ് സമ്പ്രാദായമെന്ന ആശയം. ഇക്കാര്യത്തില്‍ വിശദമായ ചര്‍ച്ചക്ക് ശേഷം തീരുമാനമെടുക്കാനാണ് ധാരണ.
Latest
ഡല്‍ഹി മന്ത്രി കൈലാഷ് ഗെഹ്ലോത്ത് രാജിവച്ചു
ഭരണം നഷ്ടപ്പെട്ട ചേവായൂര്‍ ബാങ്കിലെ കോണ്‍ഗ്രസ് അനുഭാവികളുടെ നിക്ഷേപം പിന്‍വലിക്കും: വി ഡി സതീശന്‍
തെരഞ്ഞെടുപ്പ് തോല്‍ക്കുമെന്നായപ്പോള്‍ കോണ്‍ഗ്രസ് പോപ്പുലര്‍ ഫ്രണ്ടിനെ കൂട്ടുപിടിക്കുന്നു; കെ സുരേന്ദ്രന്‍
സന്ദീപ് വാര്യര്‍ ഇതുവരെ ആര്‍ എസ് എസിനെ തള്ളിപ്പറഞ്ഞിട്ടി: എ കെ ബാലന്‍
ജി 20 ഉച്ചകോടി; ശരീഫ് കാരശ്ശേരി പങ്കെടുക്കും
കോണ്‍ഗ്രസ്സില്‍ ചേര്‍ന്ന സന്ദീപ് വാര്യര്‍ പാണക്കാട്ടെത്തി ലീഗ് നേതാക്കളെ കണ്ടു
