Kerala
സംസ്ഥാനത്ത് സ്‌കൂള്‍ പൊതുപരീക്ഷകള്‍ ഇന്ന് അവസാനിക്കും; മൂല്യ നിര്‍ണയം ഏപ്രില്‍ മൂന്ന് മുതല്‍
പരീക്ഷ അവസാനിക്കുന്ന ദിവസം സ്‌കൂളുകളില്‍ വിദ്യാര്‍ത്ഥി സംഘര്‍ഷം ഒഴിവാക്കാന്‍ കര്‍ശന നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്.
തിരുവനന്തപുരം| സംസ്ഥാനത്തെ എസ്എസ്എല്‍സി, പ്ലസ് ടു പൊതുപരീക്ഷകള്‍ ഇന്ന് അവസാനിക്കും. ഒമ്പതാം ക്ലാസ്, പ്ലസ് വണ്‍ പരീക്ഷകള്‍ നാളെത്തോടെ തീരും. എസ്എസ്എല്‍സി, പ്ലസ് ടു മൂല്യ നിര്‍ണയം ഏപ്രില്‍ മൂന്ന് മുതല്‍ ആരംഭിക്കുമെന്നാണ് വിവരം. പരീക്ഷ അവസാനിക്കുന്ന ദിവസം സ്‌കൂളുകളില്‍ വിദ്യാര്‍ത്ഥി സംഘര്‍ഷം ഒഴിവാക്കാന്‍ കര്‍ശന നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്. സംസ്ഥാനത്തെ എല്ലാ സ്‌കൂള്‍ പരിസരവും പോലീസ് നിരീക്ഷണത്തിലാണ്.
സ്‌കൂളില്‍ ആഘോഷങ്ങള്‍ക്ക് വിലക്ക് ഏര്‍പ്പെടുത്തികൊണ്ടുള്ള വിദ്യാഭ്യാസ വകുപ്പിന്റെ നിര്‍ദേശം പ്രധാനാധ്യാപകര്‍ക്ക് കിട്ടിയിട്ടുണ്ട്. വാര്‍ഷിക പരീക്ഷ അവസാനിക്കുന്ന ദിവസം സ്‌കൂളുകളില്‍ സംഘര്‍ഷം ഉണ്ടാകുന്ന തരത്തില്‍ ആഘോഷപരിപാടികള്‍ പാടില്ലെന്നാണ് പൊതുവിദ്യാഭ്യാസ വകുപ്പ് മന്ത്രി വി ശിവന്‍കുട്ടി നിര്‍ദേശം നല്‍കിയിരിക്കുന്നത്.
ആവശ്യമെങ്കില്‍ കുട്ടികളുടെ ബാഗുകള്‍ അധ്യാപകര്‍ക്ക് പരിശോധിക്കാം. സ്‌കൂള്‍ കോമ്പൗണ്ടില്‍ വാഹനങ്ങളിലുള്ള പ്രകടനവും അനുവദിക്കരുത്. പരീക്ഷ കഴിഞ്ഞാല്‍ കുട്ടികളെ രക്ഷിതാക്കള്‍ ഉടന്‍ വീട്ടില്‍ കൊണ്ട് പോകണമെന്നും നിര്‍ദേശമുണ്ട്. ആവശ്യമെങ്കില്‍ സ്‌കൂള്‍ അധികൃതര്‍ പോലീസിന്റെ സാന്നിധ്യം ഉറപ്പുവരുത്തണമെന്നും വിദ്യാഭ്യാസ ഓഫീസര്‍മാരുടെ മേഖലാ യോഗങ്ങളില്‍ മന്ത്രി നിര്‍ദേശം നല്‍കിയിട്ടുണ്ട്.
Latest
അങ്കണവാടി ജീവനക്കാരുടെ അനിശ്ചിതകാല സമരം അവസാനിച്ചു
'എക്സി'നെ സ്വന്തം എഐ കമ്പനിക്ക് വിറ്റ് ഇലോൺ മസ്‌ക്
കാട്ടൂരില്‍ എം ഡി എം എയുമായി മൂന്ന് യുവാക്കള്‍ അറസ്റ്റില്‍
ഗുജറാത്ത് വംശഹത്യ ഓർമിപ്പിച്ച് 'എംപുരാന്‍' സിനിമ; ബി ജെ പി രണ്ട് തട്ടിൽ; പൃഥ്വിരാജിനെതിരെ ആർ എസ് എസ് മുഖപത്രം
ദേഹാസ്വാസ്ഥ്യത്തെ തുടര്‍ന്ന് ഹെഡ്മാസ്റ്ററെ ആശുപത്രിയില്‍ കൊണ്ടുപോകവെ ജീപ്പ് മറിഞ്ഞു; മൂന്നുപേര്‍ക്ക് പരുക്ക്
മദ്യലഹരിയില്‍ മാതാവിനെ തല്ലിച്ചതച്ച് മകന്‍; മര്‍ദിച്ചത് സഹോദരനെ കൊന്ന കേസിലെ പ്രതി
