International
റഷ്യയിലെ സ്‌കൂളില്‍ വെടിവെപ്പ്; 13 പേര്‍ കൊല്ലപ്പെട്ടു
21 പേര്‍ക്ക് പരുക്കേറ്റു. കൃത്യത്തിനു ശേഷം അക്രമി സ്വയം വെടിവെച്ച് മരിച്ചു.
മോസ്‌കോ | റഷ്യയില്‍ നാസി വേഷധാരി സ്‌കൂളില്‍ നടത്തിയ വെടിവെപ്പില്‍ 13 പേര്‍ കൊല്ലപ്പെട്ടു. ആറ് മുതിര്‍ന്നവരും ഏഴ് കുട്ടികളുമാണ് കൊല്ലപ്പെട്ടതെന്നാണ് പ്രാഥമിക വിവരം. 21 പേര്‍ക്ക് പരുക്കേറ്റതായും റഷ്യന്‍ ആഭ്യന്തര മന്ത്രാലയം വെളിപ്പെടുത്തി. ഇവരില്‍ 14 പേര്‍ കുട്ടികളാണ്. കൃത്യത്തിനു ശേഷം അക്രമി സ്വയം വെടിവെച്ച് മരിച്ചു. പരുക്കേറ്റവരെ ആശുപത്രിയില്‍ പ്രവേശിപ്പിച്ചു.
തലസ്ഥാനമായ മോസ്‌കോയില്‍ നിന്ന് 1,200 കിലോമീറ്റര്‍ കിഴക്കുള്ള ഉദ്മുര്‍ റിപ്പബ്ലിക്കിലെ ഇശെവ്സ്‌ക് സിറ്റിയില്‍ പ്രവര്‍ത്തിക്കുന്ന നമ്പര്‍ 88 സ്‌കൂളിലാണ് വെടിവെപ്പുണ്ടായത്. നാസി ചിഹ്നങ്ങളുള്ള കറുത്ത വസ്ത്രം ധരിച്ചെത്തിയ അക്രമി വെടിയുതിര്‍ക്കുകയായിരുന്നു. സംഭവത്തില്‍ അന്വേഷണം ആരംഭിച്ചതായി റഷ്യയുടെ അന്വേഷണ ഏജന്‍സി അറിയിച്ചു.
Latest
ആതിരപ്പിള്ളിയില്‍ നടുറോഡില്‍ കെട്ടഴിച്ചു വിട്ട പോത്ത്; ബ്രേക്കിട്ട കാറുകള്‍ കൂട്ടിയിടിച്ച് അപകടം
മണ്ഡലകാലം: എന്‍ ഡി ആര്‍ എഫ് സേവനം ഇതുവരെ ലഭിച്ചത് 160 തീര്‍ഥാടകര്‍ക്ക്
ജയിലുകളിലെ മാരകരോഗികള്‍; ആശങ്ക പ്രകടിപ്പിച്ച് ബോംബെ ഹൈക്കോടതി
മാളികപ്പുറത്തേക്കുള്ള ഫ്‌ളൈഓവറിന്റെ മേല്‍ക്കൂരയില്‍ നിന്ന് താഴേക്കു ചാടി; തീര്‍ഥാടകന്‍ മരിച്ചു
പച്ചത്തേങ്ങ കഴിച്ചു തുടങ്ങാം; ഇവയെല്ലാമാണ് ഗുണങ്ങള്‍
പി പി ദിവ്യയെ അപകീര്‍ത്തിപ്പെടുത്തിയെന്ന പരാതി; മൂന്ന് യൂട്യൂബര്‍മാര്‍ക്കെതിരെ കേസ്
