Kerala
മലബാറിലെ സീറ്റ് പ്രതിസന്ധി; ഇന്ന് നടക്കുന്ന ചര്ച്ച പരാജയപ്പെട്ടാല് അനിശ്ചിതകാല സമരം പ്രഖ്യാപിക്കുമെന്ന് പി കെ ഫിറോസ്
തലസ്ഥാനത്ത് യൂത്ത് ലീഗ് പ്രവര്ത്തകര് പ്രതിഷേധ പ്രകടനം നടത്തി. പ്രവര്ത്തകര്ക്ക് നേരെ പൊലീസ് ജല പീരങ്കി ഉപയോഗിച്ചു
തിരുവനന്തപുരം | മലബാറിലെ പ്ലസ് വണ് സീറ്റ് പ്രതിസന്ധിയില് വ്യാപക പ്രതിഷേധം തുടരുന്നു. തലസ്ഥാനത്ത് യൂത്ത് ലീഗ് പ്രവര്ത്തകര് പ്രതിഷേധ പ്രകടനം നടത്തി. പ്രവര്ത്തകര്ക്ക് നേരെ പൊലീസ് ജല പീരങ്കി ഉപയോഗിച്ചു. പൊലീസ് സ്ഥാപിച്ച ബാരിക്കേഡുകള് തള്ളി ഉള്ളിലേക്ക് കയറാന് ശ്രമിച്ചതോടെയാണ് പോലീസ് ജലപീരങ്കി പ്രയോഗിച്ചത്.
മുസ്ലിം യൂത്ത് ലീഗ് ജനറല് സെക്രട്ടറി പി കെ ഫിറോസ്, മുസ്ലിം ലീഗ് നേതാവ് പികെ കുഞ്ഞാലിക്കുട്ടി തുടങ്ങിയവര് സമരത്തെ അഭിസംബോധന ചെയ്ത് സംസാരിച്ചു.
ഇന്ന് നടക്കുന്ന ചര്ച്ച പരാജയപ്പെട്ടാല് അനിശ്ചിതകാല സമരം പ്രഖ്യാപിക്കുമെന്ന് പി കെ ഫിറോസ് പറഞ്ഞു.
ഇന്നത്തെ ചര്ച്ചയില് പരിഹാരം ഉണ്ടാകണം. താത്കാലിക ബാച്ച് അല്ല, ശാശ്വതമായ പരിഹാരമാണ് വേണ്ടത്. സര്ക്കാരിന്റെ കൊങ്ങക്ക് പിടിച്ചു ബാച്ച് അനുവദിപ്പിക്കാന് യൂത്ത് ലീഗിന് അറിയമെന്നും പി കെ ഫിറോസ് പറഞ്ഞു. ടൂറിനും സ്വിമ്മിംഗ് പൂള് പണിയാനും സര്ക്കാരിന്റെ കയ്യില് പണമുണ്ട്, പുതിയ ബാച്ച് അനുവദിക്കാന് സര്ക്കാരിന് പണമില്ലെന്നും ഫിറോസ് വിമര്ശിച്ചു.
സംസ്ഥാനത്ത് പലയിടങ്ങളിലും പ്ലസ് വണ് സീറ്റ് പ്രതിസന്ധിയില് പ്രതിഷേധം നടന്നു. പലതും സംഘര്ഷങ്ങളിലേക്ക് വഴിമാറി. തൃശ്ശൂരില് കെ എസ് യു നടത്തിയ ഡി ഇ ഒ ഓഫീസ് ഉപരോധത്തില് സംഘര്ഷമുണ്ടായി. ബാരിക്കേഡ് മറികടന്ന് തള്ളിക്കയറാന് ശ്രമിച്ച പ്രവര്ത്തകരെ പൊലീസ് അറസ്റ്റ് ചെയ്തു നീക്കി.
Latest
ഇന്ത്യ പ്രൊപ്ടെക് ഡെമോ; ആദ്യ നാല്പ്പതില് ഇടംപിടിച്ച് കെഎസ്യുഎം സ്റ്റാര്ട്ടപ്പായ തിത്തിത്താര
രാജസ്ഥാനിൽ ബ്യൂട്ടീഷനെ കൊന്ന് ആറ് കഷ്ണങ്ങളാക്കി കുഴിച്ചുമൂടി; സുഹൃത്ത് അറസ്റ്റില്
ചികിത്സക്ക് ഡോക്ടർമാരില്ലാത്ത മൊബൈൽ ഹെൽത്ത് സ്റ്റേഷൻ; ഹെൽത്ത്കെയർ ഫ്യൂച്ചർ ഉച്ചകോടിയിൽ ഈ സാങ്കേതികവിദ്യ പ്രദർശിപ്പിച്ചു
സംസ്ഥാനത്ത് ഇന്ന് മുതല് മഴ ശക്തമാകും; നാളെ രണ്ടു ജില്ലകളില് ഓറഞ്ച് അലര്ട്ട്
കലക്ടറുമായി നവീന്ബാബുവിന് ഒരു ആത്മബന്ധവുമില്ല; ചേംബറിലെത്തി കണ്ടെന്ന മൊഴി വിശ്വസിക്കില്ല: മഞ്ജുഷ
രാഹുല് മാങ്കൂട്ടത്തിലിന്റെ ഗുണ്ടാ സംഘത്തെ ഭയപ്പെടാതെ പി സരിന് വോട്ട് ചെയ്യാന് കോണ്ഗ്രസുകാര്ക്ക് സംരക്ഷണം നല്കും: ഡി വൈ എഫ് ഐ
