National
പഞ്ചാബിലെ മുതിര്‍ന്ന കോണ്‍ഗ്രസ് നേതാവ് രാജ് കുമാര്‍ ചബ്ബേവാള്‍ എ എ പി യില്‍ ചേര്‍ന്നു
പഞ്ചാബ് നിയമസഭയിലെ ഉപ പ്രതിപക്ഷ നേതാവാണ് രാജ് കുമാര്‍ ചബ്ബേവാള്‍.
ചണ്ഡീഗഢ് | പഞ്ചാബിലെ മുതിര്‍ന്ന കോണ്‍ഗ്രസ് നേതാവും എം എല്‍ എ യുമായ രാജ് കുമാര്‍ ചബ്ബേവാള്‍ എ എ പിയില്‍ ചേര്‍ന്നു. ഹോഷിയാര്‍പൂര്‍ ജില്ലയിലെ ചബ്ബേവാള്‍ മണ്ഡലത്തില്‍ നിന്നുള്ള എം എല്‍ എ സ്ഥാനം രാജി വെച്ചതായും അദ്ദേഹം അറിയിച്ചു. പഞ്ചാബ് നിയമസഭയിലെ ഉപ പ്രതിപക്ഷ നേതാവാണ് രാജ് കുമാര്‍ ചബ്ബേവാള്‍.
രാജ് കുമാര്‍ ചബ്ബേവാളിനെ പഞ്ചാബ് മുഖ്യമന്ത്രി ഭഗവത് മന്‍ എ എ പി യിലേക്ക് സ്വീകരിച്ചു. രാജ്കുമാര്‍ ചബ്ബേവാളും പഞ്ചാബ് മുഖ്യമന്ത്രി ഭഗവത് മന്നും ഒന്നിച്ചുള്ള ചിത്രം എ എ പി സംസ്ഥാനഘടകത്തിന്റെ എക്‌സില്‍ പോസ്റ്റ് ചെയ്തിരുന്നു. പിന്നാലെ ചബ്ബേവാള്‍ തന്റെ എക്‌സ് അക്കൗണ്ട് വഴി കോണ്‍ഗ്രസ് വിട്ടതായും എം എല്‍ എ സ്ഥാനം രാജി വെച്ചതായും അറിയിച്ചു.
ഒരാഴ്ചക്കിടെ കോണ്‍ഗ്രസ് വിട്ട് എ എ പി യിലേക്ക് പോകുന്ന രണ്ടാമത്തെ നേതാവാണ് ചബ്ബേവാള്‍. മുന്‍ കോണ്‍ഗ്രസ് എം എല്‍ എ ആയ ഗുര്‍പ്രീത് സിംഗ് ഈയിടെ എ എ പിയിലെത്തിയിരുന്നു.രാജ് കുമാര്‍ ചബ്ബേവാള്‍ ലോക്‌സഭ തിരഞ്ഞെടുപ്പില്‍ ഹോഷിയാര്‍പൂരില്‍ നിന്ന് എ എ പി സ്ഥാനാര്‍ഥിയാകുമെന്നും അഭ്യൂഹങ്ങളുണ്ട്. 2019 ലെ ലോക്‌സഭ തിരഞ്ഞെടുപ്പില്‍ അദ്ദേഹം ഹോഷിയാര്‍പൂരില്‍ നിന്ന് കോണ്‍ഗ്രസ സ്ഥാനാര്‍ഥിയായിരുന്നു. ബി ജെ പിയുടെ സോം പ്രകാശാണ് 2019 ല്‍ ഇവിടെ വിജയിച്ചത്.
Latest
കണ്ണൂരില് ഓടിക്കൊണ്ടിരുന്ന കാറിന് തീപ്പിടിച്ചു
കോഴിക്കോട് മിനി പിക്കപ്പ് ലോറി മറിഞ്ഞ് ഒരു മരണം
കഞ്ചാവ് കടത്ത് കേസ്; യുവതിക്ക് കഠിനതടവും പിഴയും
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്
നൂറുല് ഉലമ; വാക്കും വരയും പടവാളാക്കിയ പണ്ഡിതന് :എന് അലി അബ്ദുല്ല
നഴ്സിങ് വിദ്യാര്ഥിനിയുടെ മരണം; സഹപാഠികളെ കസ്റ്റഡിയില് കിട്ടാന് പോലീസ് കോടതിയില് അപേക്ഷ നല്കി
