obit
മുതിര്ന്ന സി പി എം നേതാവ് എം എം ലോറന്സ് അന്തരിച്ചു
വാര്ധക്യസഹജമായ അസുഖങ്ങളെ തുടര്ന്ന് ദീര്ഘകാലമായി ചികിത്സയിലായിരുന്നു
കൊച്ചി | മുതിര്ന്ന സി പി എം നേതാവും മുന് എല് ഡി എഫ് കണ്വീനറുമായ എം എം ലോറന്സ് (95) അന്തരിച്ചു. വാര്ധക്യസഹജമായ അസുഖങ്ങളെ തുടര്ന്ന് ദീര്ഘകാലമായി ചികിത്സയിലായിരുന്നു.
സി പി എം കേന്ദ്രക്കമ്മിറ്റി അംഗം, സംസ്ഥാന സെക്രട്ടേറിയറ്റ് അംഗം, എറണാകുളം ജില്ലാ സെക്രട്ടറി, സി ഐ ടി യു സംസ്ഥാന ജനറല് സെക്രട്ടറി തുടങ്ങിയ ചുമതലകള് വഹിച്ചു. 1980 മുതല് 1984 വരെ ഇടുക്കിയില് നിന്നുള്ള ലോക്സഭാംഗം എന്ന നിലകളില് ദീര്ഘകാലം പാര്ട്ടിക്ക് വേണ്ടി പ്രവര്ത്തിച്ചിട്ടുണ്ട്.
എറണാകുളം മുളവുകാട് മാടമാക്കല് അവിര മാത്യുവിന്റെയും മറിയം മാത്യുവിന്റെയും മകനായി 1929 ജൂണ് 15ന് ജനനം. എറണാകുളം സെന്റ് ആല്ബര്ട്ട്സ് സ്കൂള്, മുനവുറല് ഇസ്ലാം സ്കൂള് എന്നിവിടങ്ങളില് നിന്ന് വിദ്യാഭ്യാസം പൂര്ത്തിയാക്കിയ ലോറന്സ് പത്താം തരം വരെയെ പഠനം നടത്തിയുള്ളൂ. 1946ല് കമ്മ്യൂണിസ്റ്റ് പാര്ട്ടിയില് അംഗമായതോടെ പഠനം ഉപേക്ഷിച്ചു.