Kerala
സിദ്ദിഖിനെതിരായ ലൈംഗിക കേസ്: നടന്നത് ക്രൂരമായ ബലാത്സംഗമെന്ന് യുവനടി; നാളെ രഹസ്യമൊഴിയെടുക്കും
മസ്‌കറ്റ് ഹോട്ടലിനോട് വിവരങ്ങള്‍ ഹാജരാക്കാന്‍ പോലീസ് നിര്‍ദേശം നല്‍കി
തിരുവനന്തപുരം | സിനിമാ നടന്‍ സിദ്ദിഖിനെതിരെ യുവനടി പ്രത്യേക അന്വേഷണ സംഘത്തിന് നല്‍കിയ മൊഴിയില്‍ ഗുരുതര പരാമര്‍ശങ്ങള്‍. ക്രൂരമായ ബലാത്സംഗം നടന്നുവെന്ന് നടി മൊഴി നല്‍കിയതായാണ് റിപ്പോര്‍ട്ടുകള്‍. സംഭവം നടന്നെന്ന് പറയുന്ന സ്ഥലമായ മസ്‌കറ്റ് ഹോട്ടലിനോട് വിവരങ്ങള്‍ ഹാജരാക്കാന്‍ പോലീസ് നിര്‍ദേശം നല്‍കി. നടിയുടെ രഹസ്യമൊഴി നാളെ തിരുവനന്തപുരം കോടതിയിലെ വനിതാ മജിസ്ട്രേറ്റ് രേഖപ്പെടുത്തും.
മാധ്യമങ്ങള്‍ക്ക് മുന്നില്‍ ഉന്നയിച്ച ആരോപണങ്ങളേക്കാള്‍ ഗുരുതരമായ കാര്യങ്ങളാണ് യുവ നടി സിദ്ദിഖിനെതിരെ മൊഴിയായി നല്‍കിയിരിക്കുന്നത്. യുവനടിയുടെ പരാതിയില്‍ നടന്‍ സിദ്ദിഖിനെതിരെ മ്യൂസിയെ പോലീസ് ബലാത്സംഗം, ഭീഷണി എന്നീ കുറ്റം ചുമത്തിയാണ് കേസെടുത്തിരുന്നത്. ഐപിസി 376, 506 വകുപ്പുകള്‍ പ്രകാരമാണ് കേസ്.
2016 ജനുവരിയില്‍ മസ്‌കറ്റ് ഹോട്ടലില്‍ വെച്ച് നടിയെ ബലാത്സംഗം ചെയ്തു എന്നാണ് എഫ്‌ഐആര്‍.സിനിമയില്‍ അവസരം വാഗ്ദാനം ചെയ്ത് പീഡിപ്പിച്ചു എന്നാണ് യുവനടി വെളിപ്പെടുത്തിയിരുന്നത്. യുവനടിയുടെ പരാതിക്ക് പിന്നില്‍ ഗൂഢാലോചനയുണ്ടെന്ന സിദ്ദിഖിന്റെ പരാതിയും പ്രത്യേക അന്വേഷണ സംഘത്തിന് കൈമാറിയിട്ടുണ്ട്.
Latest
സിപിഎമ്മിലെ മാപ്പിള ലഹളയെന്ന് വരുത്തിത്തീര്‍ക്കാന്‍ ശ്രമം; അന്‍വര്‍ ഉന്നയിച്ച വിഷയങ്ങള്‍ പ്രസക്തം: കെ ടി ജലീല്‍ എംഎല്‍എ
അര്‍ജുന്റെ മൃതദേഹം നാളെയോടെ നാട്ടിലെത്തിക്കും; ഡിഎന്‍എ ഫലം ഇന്ന് ലഭിക്കും
സംസ്ഥാനത്ത് വീണ്ടും മഴ കനക്കുന്നു; നാളെ നാല് ജില്ലകളില്‍ യെല്ലോ അലര്‍ട്ട്
'സഖാവ് കുഞ്ഞാലിയുടെ പാര്‍ട്ടിയെ തകര്‍ക്കാന്‍ ഈ വായ്ത്താരി കൊണ്ടാവില്ല; അന്‍വര്‍ കേരള രാഷ്ട്രീയത്തില്‍ അലഞ്ഞ് തിരിയും'
തൃശൂരില്‍ മൂന്ന് എടിഎമ്മുകളിലായി വന്‍ കവര്‍ച്ച; 65 ലക്ഷത്തോളം നഷ്ടമായി
ഹംസതുല്‍ കര്‍റാര്‍ അവാര്‍ഡ് പേരോടിന്
