Kerala
ശബരിമലയിലെത്തിയ പെണ്‍കുട്ടിയോട് ലൈംഗികാതിക്രമം; വയോധികന് മൂന്നുവര്‍ഷം കഠിനതടവും 50,000 രൂപ പിഴയും
മലപ്പുറം പൂക്കോട് പാങ്ങ് സൗത്ത്, നെല്ലാട് വീട്ടില്‍ സുബ്രഹ്മണ്യന്‍ (63)നെയാണ് പത്തനംതിട്ട അതിവേഗ സ്പെഷ്യല്‍ കോടതി ജഡ്ജി ഡോണി തോമസ് വര്‍ഗീസ് ശിക്ഷിച്ചത്.
പത്തനംതിട്ട | ശബരിമല ദര്‍ശനത്തിനെത്തിയ പെണ്‍കുട്ടിയോട് ലൈംഗികാതിക്രമം കാട്ടിയ കേസില്‍ വയോധികന് മൂന്നുവര്‍ഷം കഠിനതടവും 50,000 രൂപ പിഴയും. മലപ്പുറം പൂക്കോട് പാങ്ങ് സൗത്ത്, നെല്ലാട് വീട്ടില്‍ സുബ്രഹ്മണ്യന്‍ (63)നെയാണ് പത്തനംതിട്ട അതിവേഗ സ്പെഷ്യല്‍ കോടതി ജഡ്ജി ഡോണി തോമസ് വര്‍ഗീസ് ശിക്ഷിച്ചത്.
മലപ്പുറത്തു നിന്നും പിതാവിനൊപ്പം ദര്‍ശനത്തിനെത്തിയ കുട്ടിക്കാണ് ഒപ്പം വന്ന ബന്ധുവില്‍ നിന്നും ദുരനുഭവമുണ്ടായത്. 2023 ഡിസംബര്‍ 22ന് പുലര്‍ച്ചെ മൂന്നിന് നടപ്പന്തലില്‍ വച്ചായിരുന്നു കേസിനാസ്പദമായ സംഭവം. കുട്ടിയുടെ പിതാവ് ശുചിമുറിയില്‍ പോയ സമയത്ത് മടിയില്‍ പിടിച്ചിരുത്തിയ ശേഷം കുട്ടിയെ ഇയാള്‍ ലൈംഗികാതിക്രമത്തിന് വിധേയയാക്കുകയായിരുന്നു. ഇതേ തുടര്‍ന്ന് പിതാവ് മലപ്പുറം കുളത്തൂര്‍ പൊലീസ് സ്റ്റേഷനില്‍ പരാതി നല്‍കി.
പിന്നീട് കേസ് പരാതിക്കാസ്പദമായ സ്ഥലപരിധി ഉള്‍പ്പെടുന്ന പമ്പ പോലീസിന് കൈമാറി. അന്നത്തെ എസ് ഐ. ബി എസ് ആദര്‍ശ് കേസ് രജിസ്റ്റര്‍ ചെയ്തു. അന്വേഷണം പൂര്‍ത്തിയാക്കി പ്രതിക്കെതിരെ കോടതിയില്‍ കുറ്റപത്രം സമര്‍പ്പിച്ചത് പമ്പ എസ് ഐ. ആയിരുന്ന ജെ രാജനായിരുന്നു. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര്‍ അഡ്വ. റോഷന്‍ തോമസ് ഹാജരായി. കോടതി നടപടികളില്‍ എ എസ് ഐ. ഹസീന പങ്കാളിയായി.
Latest
വിദ്യാര്‍ഥിനി വീട്ടില്‍ ഷോക്കേറ്റ് മരിച്ചു
കള്ളക്കടല്‍ പ്രതിഭാസം; ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായി ഒഴിവാക്കണമെന്നു മുന്നറിയിപ്പ്
കോഴിക്കൂട് പൊളിച്ചെന്നാരോപിച്ച് മകന്‍ അമ്മയുടെ കയ്യും കാലും കോടാലികൊണ്ട് അടിച്ചൊടിച്ചു
കൈക്കൂലിക്കാരനായ വില്ലേജ് ഫീല്‍ഡ് അസിസ്റ്റന്റിനെ പിരിച്ചുവിട്ടു
സഊദി സന്ദര്‍ശനം വെട്ടിച്ചുരുക്കി തിരിച്ചെത്തിയ പ്രധാനമന്ത്രി നാളെ ബിഹാറില്‍ വിവിധ പദ്ധതികള്‍ ഉദ്ഘാടനം ചെയ്യും
സിന്ധു നദീജലം പാക്കിസ്ഥാന്റെ ജീവജലം; കരാർ റദ്ദാക്കിയാൽ എന്തെല്ലാം സംഭവിക്കും?
