Kerala
യുവതിക്കു നേരെ ലൈംഗികാതിക്രമം: പ്രതി പിടിയില്‍
പള്ളിക്കര പോറോത്ത് സൗപര്‍ണികയില്‍ എ എസ് ഹരിഹരന്‍ (20) ആണ് പിടിയിലായത്.
പയ്യോളി | യുവതിക്കുനേരേ ലൈംഗികാതിക്രമം നടത്തിയ യുവാവ് പിടിയില്‍. പള്ളിക്കര പോറോത്ത് സൗപര്‍ണികയില്‍ എ എസ് ഹരിഹരന്‍ (20) ആണ് പിടിയിലായത്.
കഴിഞ്ഞ മാസം 29നാണ് സംഭവം. കോഴിക്കോട് പയ്യോളി ടൗണിന് സമീപത്തു വച്ച് ഇരുപത്തിരണ്ടുകാരിയായ യുവതിക്കെതിരെ ലൈംഗികാതിക്രമം നടത്തിയെന്നാണ് കേസ്. ബിരുദവിദ്യാര്‍ഥിയും കെ എസ് യു പ്രവര്‍ത്തകനുമാണ് ഹരിഹരന്‍.
റോഡില്‍വെച്ച് ശല്യപ്പെടുത്തിയപ്പോള്‍ പ്രതിരോധിച്ച യുവതി സമീപത്തെ കെട്ടിടത്തിലേക്ക് ഓടിക്കയറി. പിന്നാലെയെത്തിയ പ്രതി ലൈംഗികാതിക്രമം നടത്തുകയായിരുന്നു. യുവതിയുടെ പരാതി പ്രകാരം അന്വേഷണം നടത്തിയ പോലീസ് സി ടി വി ദൃശ്യങ്ങളില്‍ നിന്ന് പ്രതിയെ തിരിച്ചറിഞ്ഞു.
കഴിഞ്ഞ ദിവസം പെരുമാള്‍പുരത്തെ വെള്ളക്കെട്ടില്‍ ടിപ്പര്‍ലോറി കുടുങ്ങിയതിനെ തുടര്‍ന്ന് ഗതാഗതസ്തംഭനമുണ്ടായി. ഇവിടെ എത്തിയ എസ് ഐ. എ അന്‍വര്‍ഷാക്ക് ടിപ്പര്‍ ഓടിച്ച യുവാവിനെ കണ്ടപ്പോള്‍ ദൃശ്യത്തിലെ യുവാവുമായി സാദൃശ്യം തോന്നി. തുടര്‍ന്ന് ഇയാളെ കസ്റ്റഡിയിലെടുക്കുകയായിരുന്നു.
Latest
കണ്ണൂരില് ഓടിക്കൊണ്ടിരുന്ന കാറിന് തീപ്പിടിച്ചു
കോഴിക്കോട് മിനി പിക്കപ്പ് ലോറി മറിഞ്ഞ് ഒരു മരണം
കഞ്ചാവ് കടത്ത് കേസ്; യുവതിക്ക് കഠിനതടവും പിഴയും
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്
നൂറുല് ഉലമ; വാക്കും വരയും പടവാളാക്കിയ പണ്ഡിതന് :എന് അലി അബ്ദുല്ല
നഴ്സിങ് വിദ്യാര്ഥിനിയുടെ മരണം; സഹപാഠികളെ കസ്റ്റഡിയില് കിട്ടാന് പോലീസ് കോടതിയില് അപേക്ഷ നല്കി
