ചിന്നക്കനാലിനെ വിറപ്പിച്ച് വീണ്ടും ചക്കക്കൊമ്പന്‍; വീട് തകര്‍ത്തു

ഇടുക്കി | ചിന്നക്കനാലിനെ വിറപ്പിച്ച് വീണ്ടും ചക്കക്കൊമ്പന്‍. ഇന്നലെ രാത്രി ജനവാസ മേഖലയില്‍ ഇറങ്ങിയ ചക്കക്കൊമ്പന്‍ വീട് തകര്‍ത്തു. ചിന്നക്കനാല്‍ 301 ന് സമീപത്ത് താമസിക്കുന്ന ഐസക് വര്‍ഗീസിന്റെ വീടാണ് തകര്‍ത്തത്.

വീടിന്റെ ഒരുവശം പൂര്‍ണമായി ചക്കക്കൊമ്പന്റെ ആക്രമണത്തില്‍ തകര്‍ന്നു. ആനയിറങ്ങിയതായി അറിഞ്ഞതോടെ ഐസക്കും ഭാര്യയും സമീപത്തെ വീട്ടിലേക്ക് മാറിയിരുന്നു. ഇന്നലെ ആനയിറങ്കലിലെ റേഷന്‍ കടയും ചക്കക്കൊമ്പന്‍ തകര്‍ത്തിരുന്നു.

പ്രദേശവാസികള്‍ ചേര്‍ന്ന് പടക്കം പൊട്ടിച്ചാണ് ആനയെ തുരത്തിയത്.