ഷാര്‍ജ പുസ്തകമേള പുതിയ സ്ഥലത്തേക്ക് മാറും

ഷാര്‍ജ| രാജ്യാന്തര പുസ്തകമേളക്ക് പുതിയ സ്ഥലം അനുവദിക്കാന്‍ ഷാര്‍ജ ഭരണാധികാരിയും സുപ്രീം കൗണ്‍സില്‍ അംഗവുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി നിര്‍ദേശം നല്‍കി. ഷാര്‍ജ മസ്ജിദിന് എതിര്‍വശത്തായി എമിറേറ്റ്സ് റോഡില്‍ സ്ഥിതിചെയ്യുന്ന നിയുക്ത സ്ഥലം വാര്‍ഷിക രാജ്യാന്തര പുസ്തകമേളയുടെ വേദിയായി മാറുമെന്ന് ഷാര്‍ജ മീഡിയ ഓഫീസ് അറിയിച്ചു.

ലോകമെമ്പാടുമുള്ള പ്രസാധകരെയും എഴുത്തുകാരെയും വായനക്കാരെയും ആകര്‍ഷിക്കുന്ന ലോകത്തിലെ ഏറ്റവും വലിയ പുസ്തക മേളയാണ് ഷാര്‍ജയിലേത്. ഇപ്പോള്‍ മേള നടക്കുന്നത് ഷാര്‍ജ എക്‌സ്‌പോ സെന്ററിലാണ്.