ദുബൈയുടെ ലോഗോ നിയമം ശൈഖ് മുഹമ്മദ് പുറപ്പെടുവിച്ചു

ദുബൈ|ദുബൈ എമിറേറ്റിന്റെ ഭരണാധികാരി എന്ന നിലയിൽ യു എ ഇ വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിൻ റാശിദ് അൽ മക്തൂം ദുബൈ എമിറേറ്റിന്റെയും സർക്കാരിന്റെയും ലോഗോ സംബന്ധമായ പുതിയ നിയമം നമ്പർ (1) പുറപ്പെടുവിച്ചു. നിയമം അനുസരിച്ച്, ലോഗോ എമിറേറ്റിന്റെ സ്വത്താണ്. ദുബൈ ഭരണാധികാരിയുടെ കോടതി ചെയർമാൻ നിയുക്തമാക്കിയ സ്ഥാപനങ്ങളുടെ സ്ഥലങ്ങൾ, അവസരങ്ങൾ, രേഖകൾ, മുദ്രകൾ എന്നിവയിൽ ലോഗോ ഉപയോഗിക്കാം.

സർക്കാർ വകുപ്പുകൾ, പൊതു സ്ഥാപനങ്ങൾ, സ്ഥാപനങ്ങൾ, സർക്കാർ അധികാരികൾ, കൗൺസിലുകൾ, സർക്കാരുമായി അഫിലിയേറ്റ് ചെയ്തിട്ടുള്ള പൊതു സ്ഥാപനം എന്നിവ ഒഴികെയുള്ളവർ റൂളേഴ്സ് കോർട്ട് ചെയർമാന്റെയോ പ്രതിനിധിയുടെയോ പ്രത്യേക അനുമതിയില്ലാതെ, ലോഗോ ഉപയോഗിക്കുന്നത് വിലക്കിയിട്ടുണ്ട്.  ഉത്പന്നങ്ങൾ, സാധനങ്ങൾ, വസ്തുക്കൾ, ഉപകരണങ്ങൾ പരസ്യപ്പെടുത്തുന്നതിനും പ്രോത്സാഹിപ്പിക്കുന്നതടക്കമുള്ള വാണിജ്യ ആവശ്യങ്ങൾക്ക് ലോഗോ ഉപയോഗിക്കുന്നത് നിരോധിച്ചിട്ടുണ്ട്.