മികച്ച സേവനത്തിന് ജീവനക്കാരന് ശൈഖ് മുഹമ്മദിന്റെ പ്രശംസ

ദുബൈ| ആളുകളെ സഹായിക്കാൻ മുൻകൈയെടുത്ത ജീവനക്കാരന് ദുബൈ ഭരണാധികാരിയുടെ പ്രശംസ. അൽ ഖുസൈസിലെ കസ്റ്റമർ സർവീസ് സെന്റർ ഫോർ വെഹിക്കിൾ ഇൻസ്‌പെക്ഷൻ ആൻഡ് രജിസ്‌ട്രേഷനിലെ ജീവനക്കാരനായ യൂസഫ് മുഹമ്മദ് അബ്ദുല്ലയുടെ അസാധാരണ സമർപ്പണത്തിനും സേവനത്തെയുമാണ് യു എ ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂം പ്രശംസിച്ചത്.

അടുത്തിടെ പുറത്തിറങ്ങിയ ഒരു രഹസ്യ ഷോപ്പർ റിപ്പോർട്ടിൽ നിന്നുള്ള ഉൾക്കാഴ്ചകൾ ശൈഖ് മുഹമ്മദ് തന്റെ ഔദ്യോഗിക അക്കൗണ്ടിൽ പങ്കുവെച്ചു. ആളുകളെ സഹായിക്കാൻ മുൻകൈയെടുക്കുകയും അവരുടെ ഇടപാടുകൾ ആകാംക്ഷയോടെ സുഗമമാക്കുകയും ചെയ്യുന്ന കഠിനാധ്വാനിയും സന്തോഷവാനുമായ യൂസുഫ് മുഹമ്മദ് അബ്ദുല്ലയെ ഞങ്ങൾ നിരീക്ഷിച്ചു. ഉപഭോക്താക്കൾ അദ്ദേഹത്തിലേക്ക് ഒഴുകിയെത്തുകയും അദ്ദേഹത്തിന്റെ സേവനത്തിന് നന്ദി പ്രകടിപ്പിക്കുകയും ചെയ്യുന്നു.

“ആശംസകൾ, യൂസുഫ്. ജനങ്ങളെ സേവിക്കുന്നതിനും ദുബൈയുടെ പ്രശസ്തി ഉയർത്തിപ്പിടിക്കുന്നതിനും സമർപ്പിതരായ നിങ്ങളെയും നിങ്ങളെപ്പോലുള്ള യുവാക്കളെയും യുവതികളെയും ഞങ്ങൾ നിരീക്ഷിക്കുന്നു.’ ശൈഖ് മുഹമ്മദ് തുടർന്നു പറഞ്ഞു.
സർക്കാർ മേഖലയിലെ പ്രവർത്തനം നിരീക്ഷിക്കുന്നതിന് ദുബൈ ഭരണാധികാരി രൂപപ്പെടുത്തിയതാണ് രഹസ്യ ഷോപ്പർ റിപ്പോർട്ട്.