Kerala
സിദ്ധാര്‍ഥിന്റെ മരണം: അന്വേഷണം സി ബി ഐക്ക് കൈമാറുന്നതിലെ കാലതാമസത്തില്‍ വിശദീകരണം തേടി മുഖ്യമന്ത്രി
ആഭ്യന്തര സെക്രട്ടറിയോടാണ് വിശദീകരണം തേടിയത്. പെര്‍ഫോമ റിപോര്‍ട്ട് വൈകിയത് എന്തുകൊണ്ടെന്ന് പരിശോധിക്കണം. വൈകിയെങ്കില്‍ അതിന് ഉത്തരവാദി ആരെന്ന് കണ്ടെത്തണം.
തിരുവനന്തപുരം | വയനാട് പൂക്കോട് വെറ്ററിനറി സര്‍വകലാശാലയിലെ വിദ്യാര്‍ഥിയായിരുന്ന സിദ്ധാര്‍ഥിന്റെ മരണവുമായി ബന്ധപ്പെട്ട അന്വേഷണം സി ബി ഐക്ക് കൈമാറുന്നതിലെ കാലതാമസത്തില്‍ വിശദീകരണം തേടി മുഖ്യമന്ത്രി. ആഭ്യന്തര സെക്രട്ടറിയോടാണ് വിശദീകരണം തേടിയത്. പെര്‍ഫോമ റിപോര്‍ട്ട് വൈകിയത് എന്തുകൊണ്ടെന്ന് പരിശോധിക്കണം. വൈകിയെങ്കില്‍ അതിന് ഉത്തരവാദി ആരെന്ന് കണ്ടെത്തണമെന്നും മുഖ്യമന്ത്രി ആവശ്യപ്പെട്ടു.
കേസില്‍ അന്വേഷണം വഴിമുട്ടിയ നിലയിലാണെന്ന് സിദ്ധാര്‍ഥിന്റെ പിതാവ് ജയപ്രകാശ് ആരോപിച്ചിരുന്നു. നടപടി വൈകിയാല്‍ സമരം തുടങ്ങുമെന്നും അദ്ദേഹം പറഞ്ഞു. കേസുമായി ബന്ധപ്പെട്ട് ഇനി മുഖ്യമന്ത്രിയെ കാണില്ലെന്നും ഭരണപക്ഷത്തെ സമീപിക്കില്ലെന്നും ജയപ്രകാശ് വ്യക്തമാക്കി.
അന്വേഷണം സി ബി ഐക്ക് കൈമാറാന്‍ വിജ്ഞാപനം ഇറക്കിയതുകൊണ്ട് മാത്രം കാര്യമില്ലെന്നും താന്‍ ചതിക്കപ്പെട്ടുവെന്ന തോന്നലുണ്ടെന്നും പ്രതിപക്ഷ നേതാവുമായുള്ള കൂടിക്കാഴ്ചക്കു ശേഷം അദ്ദേഹം പ്രതികരിച്ചു.
Latest
കുവൈത്ത്; ഒന്നാം ഖലീഫ അബൂബക്കർ സിദ്ദിഖ്‌ന്റെ കാലത്തേതെന്ന് സംശയിക്കുന്ന ചരിത്രാവാശിഷ്ടങ്ങൾ കണ്ടെത്തി
മുംബൈ ബോട്ട് അപകടം; ആശുപത്രിയിലായിരുന്ന മലയാളി കുടുംബം സുരക്ഷിതര്‍
തൃപ്പൂണിത്തുറയില്‍ കുട്ടികള്‍ എത്തുന്നതിന് തൊട്ടുമുമ്പ് അങ്കണവാടിയുടെ മേല്‍ക്കൂര തകര്‍ന്നുവീണു; വന്‍ അപകടം ഒഴിവായി
സഹോദരനെയും മാതൃസഹോദരനെയും വെടിവച്ചുകൊന്ന കേസില്‍ പ്രതി കുറ്റക്കാരന്‍
തിരൂരങ്ങാടിയില്‍ തേനീച്ചകളുടെ കൂട്ട ആക്രമണം; വിദ്യാര്‍ഥികളടക്കം 30 പേര്‍ക്ക് കുത്തേറ്റു
മാസപ്പടി വിവാദം: തന്റെ ആരോപണങ്ങള്‍ ശരിവയ്ക്കുന്നതാണ് കേന്ദ്ര ഏജന്‍സിയുടെ റിപ്പോര്‍ട്ടെന്ന് മാത്യു കുഴല്‍ നാടന്‍
