Kasargod
നീലേശ്വരത്ത് കൂടുതല്‍ തീവണ്ടികള്‍ക്ക് സ്റ്റോപ്പാവശ്യപ്പെട്ട് നടത്തുന്ന ഒപ്പുശേഖരണ ക്യാംപെയിന് ജനപിന്തുണയേറുന്നു
കേരള വ്യാപാരി വ്യവസായി ഏകോപന സമിതി നീലേശ്വരം യൂനിറ്റും നീലേശ്വരം റെയില്‍വേ വികസന ജനകീയ കൂട്ടായ്മയും സംയുക്തമായാണ് ഒപ്പ് ശേഖരണം നടത്തുന്നത്‌
നീലേശ്വരം | രാമേശ്വരം – എക്‌സ്പ്രസ്സ്, അന്ത്യോദയ എക്‌സ്പ്രസ് , മദ്രാസ് മെയില്‍ തീവണ്ടികള്‍ക്ക് നീലേശ്വരത്ത് സ്റ്റോപ്പ് ആവശ്യപ്പെട്ടുകൊണ്ട് കേരള വ്യാപാരി വ്യവസായി ഏകോപന സമിതി നീലേശ്വരം യൂനിറ്റും നീലേശ്വരം റെയില്‍വേ വികസന ജനകീയ കൂട്ടായ്മയും സംയുക്തമായി ഒപ്പുശേഖരണ ക്യാംപെയിന് ആരംഭിച്ചു. കഴിഞ്ഞ ആറു വര്‍ഷങ്ങള്‍ക്കിടയില്‍ ആറു തീവണ്ടികള്‍ക്ക് സ്റ്റോപ്പ് ലഭിച്ചതോടെ വരുമാനത്തില്‍ ജില്ലയില്‍ രണ്ടാം സ്ഥാനത്തേക്ക് കുതിക്കുന്ന നീലേശ്വരത്തിന് അര്‍ഹതപ്പെട്ട സ്റ്റോപ്പുകള്‍ നേടിയെടുക്കുന്നതിന് വേണ്ടിയുള്ള ഒപ്പുശേഖരണ ക്യാംപെയിന് വ്യാപാരഭവനില്‍ വെച്ച് വ്യാപാരി വ്യവസായി ഏകോപന സമിതി യൂനിറ്റ് പ്രസിഡണ്ട് കെ.വി.സുരേഷ്‌കുമാര്‍ ഉദ്ഘാടനം ചെയ്തു.
ജനകീയ കൂട്ടായ്മ പ്രസിഡന്റ് ഡോ: നന്ദകുമാര്‍ കോറോത്ത് അധ്യക്ഷത വഹിച്ചു. മര്‍ച്ചന്റ്‌സ് യൂത്ത് വിങ് പ്രസിഡന്റ് രാജന്‍ കളര്‍ ഫുള്‍, വനിതാ വിംങ് പ്രസിഡന്റ് ഷീനജാ പ്രദീപ്, ലയണ്‍സ് ക്ലബ്ബ് റീജിയണല്‍ ചെയര്‍പേര്‍സണ്‍ പി. ഭാര്‍ഗ്ഗവന്‍, സേവാഭാരതി യൂനിറ്റ് പ്രസിഡന്റ് ഗോപിനാഥന്‍ മുതിരക്കാല്‍, കെ.വി.പ്രിയേഷ്‌കുമാര്‍, നീലേശ്വരം നോര്‍ത്ത് ലയണ്‍സ് ക്ലബ്ബ് മുന്‍ പ്രസിഡന്റ് പത്മനാഭന്‍ മാങ്കുളം, കെ.എസ്.എസ്.പി.എ നേതാവ് എ.വി പത്മനാഭന്‍ എന്നിവര്‍ പ്രസംഗിച്ചു.
വ്യാപാരി വ്യവസായി ഏകോപന സമിതി നീലേശ്വരം യൂനിറ്റ് സെക്രട്ടറി എ.വിനോദ്കുമാര്‍ സ്വാഗതവും ജനകീയ കൂട്ടായ്മ സെക്രട്ടറി കെ.വി സുനില്‍ രാജ് നന്ദിയും പറഞ്ഞു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
