സിറാജ് വരിചേർക്കലിന് മലപ്പുറം ജില്ലയിൽ തുടക്കമായി

മലപ്പുറം | വായിക്കാം അഭിമാനിക്കാം എന്ന ശീർഷകത്തിൽ നടക്കുന്ന സിറാജ് ക്യാമ്പയിൻ മലപ്പുറം ജില്ലയിൽ ആവേശത്തോടെ മുന്നേറുകയാണ്. സോൺ, സർക്കിൾ പ്രമോഷൻ കൗൺസിലുകളുടെ നേതൃത്വത്തിലായി മുഴുവൻ യൂണിറ്റുകളിലും ജാഗരണം കൺവൻഷൻ നടന്നുവരുന്നു.

മത സാമൂഹ്യ സാംസ്ക്കാരിക രാഷ്ട്രിയ രംഗത്തെ പ്രമുഖരെ വരി ചേർത്തു കൊണ്ട് വർധിത ആവേശത്തോടെയുള്ള പ്രവർത്തനത്തിന് ഇതിനോടകം തുടക്കം കുറിച്ചു. വഖഫ് ഹജ്ജ് കാര്യ വകുപ്പ് മന്ത്രി വി അബ്ദുറഹ്മാനെ വരി ചേർത്താണ് ജില്ലയിലെ പ്രവർത്തനങ്ങൾക്ക് ഔദ്യോഗികമായി തുടക്കം കുറിച്ചത്. ചടങ്ങിൽ ജില്ല ജനറൽ സെക്രട്ടറി പി എം മുസ്തഫ കോഡൂർ , സി കെ യു മൗലവി മോങ്ങം, കെ പി ജമാൽ കരുളായി സംബന്ധിച്ചു.