ഹിസ്ബുല്ലയുമായുള്ള ഏറ്റുമുട്ടലിൽ ആറ് ഇസ്റാഈൽ സൈനികർ കൊല്ലപ്പെട്ടു

തെൽ അവീവ് | ഹിസ്ബുല്ലയുമായുള്ള ഏറ്റുമുട്ടലിൽ തങ്ങളുടെ ആറ് സൈനികർ കൊല്ലപ്പെട്ടതായി സ്ഥിരീകരിച്ച് ഇസ്റാഈൽ പ്രതിരോധ സേന. ഗോലാനി ബ്രിഗേഡിന്‍റെ 51-ാം ബറ്റാലിയനിലെ അംഗങ്ങളായ 19, 20, 21, 22 വയസ്സ് പ്രായമുള്ള സൈനികരാണ് കൊല്ലപ്പെട്ടത്.

തെക്കൻ ലെബനനിൽ കര ആക്രമണം ശക്തമാക്കുമെന്ന് പ്രഖ്യാപിച്ചതിന് പിന്നാലെയാണ് കനത്ത തിരിച്ചടിയുണ്ടായത്. അതിർത്തിയിൽ നിന്ന് തെക്കൻ ലെബനാനിലെ ഗ്രാമങ്ങളിലേക്ക് സൈന്യം നീങ്ങവെയാണ് ഏറ്റുമുട്ടലുണ്ടായത്. ഒരു സൈനികന് പരിക്കേറ്റിട്ടുമുണ്ട്.

ബെയ്റൂത്തിന്‍റെ തെക്കൻ മേഖലയിൽ ഇസ്റാഈൽ ആക്രമണം ഇപ്പോഴും തുടരുകയാണ്. മേഖലയിൽ ഇസ്റാഈൽ നടത്തിയ വ്യോമാക്രമണത്തിൽ 20ലേറെ പേർ കൊല്ലപ്പെട്ടിരുന്നു.