National
26കാരിയെ കൊലപ്പെടുത്തി 35 കഷ്ണങ്ങളാക്കിയ സംഭവത്തില്‍ ആറ് മാസങ്ങൾക്ക് ശേഷം പ്രതി പിടിയില്‍
യുവതിയെ കഴുത്ത് ഞെരിച്ച് കൊന്ന ശേഷം മൃതദേഹം 35 കഷ്ണങ്ങളാക്കി ഡൽഹിയുടെ വിവിധിയിടങ്ങളില്‍ ഉപേക്ഷിക്കുകയായിരുന്നു.
ന്യൂഡൽഹി | ഡൽഹിയിൽ 26കാരിയെ കൊലപ്പെടുത്തി 35 കഷ്ണങ്ങളാക്കിയ സംഭവത്തില്‍ ആറ് മാസങ്ങൾക്ക് ശേഷം പ്രതി പിടിയില്‍. യുവതിയുടെ ലിവ് ഇൻ ടുഗതർ പങ്കാളി അഫ്താബ് അമീന്‍ പൂനെവാലയാണ് പോലീസ് പിടയിലായത്. യുവതിയെ കഴുത്ത് ഞെരിച്ച് കൊന്ന ശേഷം മൃതദേഹം 35 കഷ്ണങ്ങളാക്കി ഡൽഹിയുടെ വിവിധിയിടങ്ങളില്‍ ഉപേക്ഷിക്കുകയായിരുന്നു. പെൺകുട്ടിയുടെ പിതാവ് പരാതി നൽകിയതിനെ തുടർന്ന് നടത്തിയ അന്വേഷണത്തിലാണ് മെയ് 18ന് നടന്ന ക്രൂര കൃത്യം പുറത്തറിയുന്നത്.
മുംബൈയിലെ മലാഡ് നിവാസിയായ ശ്രദ്ധയെന്ന യുവതിയാണ് അതിദാരുണമായി കൊലചെയ്യപ്പെട്ടത്. ശ്രദ്ധയും അഫ്താബും തമ്മിൽ പ്രണയത്തിലായിരുന്നു. മുംബൈയിൽ ഒരു കാൾ സെന്ററിൽ ജോലി ചെയ്യവയൊണ് ഇരുവരും പരിചയപ്പെട്ടത്. പ്രണയം വീട്ടിലറിഞ്ഞതോടെ വീട്ടുകാർ എതിർത്തു. തുടർന്ന് രണ്ട് പേരും ഡൽഹിയിലേക്ക് താമസം മാറുകയായിരുന്നു. ഇതിനിടെ ഇവർ തമ്മിൽ വഴക്ക് പതിവായി.
ഒരു ദിവസം തർക്കം രൂക്ഷമായപ്പോൾ അഫ്താബ് ശ്രദ്ധയെ കഴുത്ത് ഞെരിച്ച് കൊലപ്പെടുത്തുകയായിരുന്നു. തുടർന്ന് മൃതദേഹം 35 കഷണങ്ങളാക്കുകയും 300 ലിറ്ററിന്റെ പുതിയ ഫ്രിഡ്ജ് വാങ്ങി അതിൽ സൂക്ഷിക്കുകയും ചെയ്തു. ദുർഗന്ധം പുറത്തറിയാതിരിക്കാൻ ചന്ദനത്തിരിയും കത്തിച്ചുവെച്ചിരുന്നു.
പെണ്‍കുട്ടിയുടെ മൃതദേഹാവശിഷ്ടം പൂര്‍ണമായും കണ്ടെത്താനായിട്ടില്ലെന്ന് പൊലീസ് പറഞ്ഞു.
Latest
മാട്രിമോണിയല്‍ സൈറ്റുകള്‍ വഴി പണം തട്ടിയ കേസ്; ദമ്പതികള്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ചു; പ്രതിക്ക് 12 വര്‍ഷം കഠിനതടവും 2.1 ലക്ഷം രൂപ പിഴയും
ശൈഖ് അബൂബക്കര്‍ ഫൗണ്ടേഷന്‍ സ്‌കോളര്‍ സ്പാര്‍ക് ടാലന്റ് ഹണ്ട് പരീക്ഷ: അപേക്ഷ ക്ഷണിച്ചു
നെടുമ്പാശ്ശേരി വിമാനത്താവളത്തില്‍ ഏഴരക്കോടിയുടെ കഞ്ചാവ് പിടിച്ചെടുത്തു; മൂന്നുപേര്‍ അറസ്റ്റില്‍
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
