അപ്പോള്‍ ഫലസ്തീനികള്‍ക്ക് നഷ്ടപരിഹാരമില്ലേ?

ജൂതന്മാര്‍ ഹിറ്റ്ലറുടെ ഹോളോകോസ്റ്റിന്റെയും മറ്റു പീഡനങ്ങളുടെയും പേര് പറഞ്ഞാണ് ഫലസ്തീനികളുടെ ജന്മനാട്ടില്‍ കയറി അധിനിവേശം നടത്തിയതും ഭൂമിയും വീടുകളും കൈയേറി താമസമാക്കിയതും. ഇന്നും ഫലസ്തീനികളെ ആട്ടിയോടിക്കുന്നതും കൊല്ലുന്നതും ഇതിന്റെ വില ചോദിച്ചാണ്. എന്നാല്‍ ഈ ന്യായം പറയാന്‍ അവര്‍ക്ക് ഒരു അവകാശവുമില്ല. ജൂതരോട് ക്രൂരത ചെയ്തത് ഫലസ്തീനികളോ അറബികളോ അല്ല. മാത്രമല്ല, ജൂതര്‍ക്ക് എന്തൊക്കെ നഷ്ടപ്പെട്ടുവോ അതിന്റെ എത്രയോ ഇരട്ടി അവരോ അവരുടെ തലമുറയോ തിരിച്ചു വാങ്ങിയിട്ടുണ്ട്.

പകരം ഒരു രാജ്യം നല്‍കേണ്ടതില്ലാത്ത വിധം നഷ്ടപരിഹാരം വാങ്ങിക്കൂട്ടിയവരാണ് ജൂതര്‍. ഇതൊക്കെ മറച്ചുവെച്ചാണ് ജൂതരാജ്യം കൂടുതല്‍ ഫലസ്തീന്‍ ഭൂമി പിടിച്ചടക്കുന്നതും അതിനായി കൂട്ടക്കൊലകള്‍ ആസൂത്രണം ചെയ്യുന്നതും. ലോകമോ ജര്‍മനിയോ ഇനി ഇവര്‍ക്കൊന്നും കൊടുക്കാനില്ല. ഇവര്‍ ജര്‍മനിയില്‍ നിന്ന് തിരിച്ചു പിടിച്ച തുകയുടെ അളവ് വെച്ച് നോക്കിയാല്‍ ലോകം അവരെ അടക്കി നിര്‍ത്തേണ്ടതാണ്.

1930നും 1945നും ഇടയിലുണ്ടായ സംഭവവികാസങ്ങള്‍ക്ക് 1945 മുതല്‍ 2018 വരെ ഇവര്‍ നഷ്ടപരിഹാരം കൈപറ്റിക്കൊണ്ടിരിക്കുകയാണ്. ഹോളോകോസ്റ്റ് ഇരകള്‍ക്കും പരുക്കേറ്റവര്‍ക്കും അവരുടെ അനന്തരാവകാശികള്‍ക്കുമായി കുറച്ചൊന്നുമല്ല, 86.8 ബില്യന്‍ ഡോളര്‍ (ഏതാണ്ട് ഏഴര ലക്ഷം കോടി രൂപ) ആണ് അമേരിക്കയുടെയും ബ്രിട്ടന്റെയും സമ്മര്‍ദ ഫലമായി ജൂതന്മാര്‍ വാങ്ങിയെടുത്തത്. മാത്രമല്ല നാസികള്‍ കൊള്ളയടിച്ച വസ്തുക്കളുടെ വിശദമായ കണക്കെടുത്ത് ഓരോരുത്തരുടെയും അപഹരിക്കപ്പെട്ട സാധനങ്ങളുടെ വില അതിന്റെ മൂല്യം നിര്‍ണയിച്ച് തിരിച്ചു കൊടുത്തു. യു എസ് സ്റ്റേറ്റ് ഡിപാര്‍ട്‌മെന്റിന്റെ ജര്‍മന്‍ ആക്ട് റിപോര്‍ട്ട് പ്രകാരമുള്ള കണക്കുകളാണിത്.

നഷ്ടപ്പെട്ട സമ്പത്തിന്റെ മാത്രമല്ല, ആര്‍ട്ട് വര്‍ക്കുകളുടെയും പുസ്തകങ്ങളുടെയും ഫര്‍ണീച്ചറുകളുടെയും മൊട്ടുസൂചികളുടെയും വിലയടക്കം കണക്കാക്കി കഴിഞ്ഞ 75 വര്‍ഷത്തിനിടയില്‍ തത്തുല്യമായ തുക ജര്‍മനി കൊടുക്കുകയുണ്ടായി. പതിനായിരക്കണക്കിന് വസ്തുവകകള്‍ കണ്ടെടുത്ത് തിരിച്ചു കൊടുക്കുകയും ചെയ്തിട്ടുണ്ട്. സെമിറ്റിക് വിരോധത്തിന്റെ പേരില്‍ ഉയര്‍ത്തിവിട്ട ദേശീയ ഭ്രാന്ത് മൂലം ഏറ്റവും കൂടുതല്‍ പീഡനം അനുഭവിച്ചത് ജൂതന്മാര്‍ ആയിരുന്നു എന്ന കഥകള്‍ വ്യാപകമായി സ്ഥിരപ്രതിഷ്ഠ നേടിയത് കാരണം ഈ ആനുകൂല്യങ്ങള്‍ മുഴുവന്‍ ലഭിച്ചത് ജൂത സമുദായത്തിന് മാത്രമാണ്.

രണ്ടാം ലോക മഹായുദ്ധാനന്തരം അമേരിക്ക, ഫ്രാന്‍സ്, ബ്രിട്ടന്‍ എന്നീ രാജ്യങ്ങള്‍ ജര്‍മനിയുടെ വിവിധ പ്രദേശങ്ങള്‍ കീഴടക്കുകയും 1949ല്‍ ഫെഡറല്‍ റിപബ്ലിക് ഓഫ് ജര്‍മനി എന്ന പേരില്‍ വെസ്റ്റ് ജര്‍മനി സ്ഥാപിക്കുകയും ചെയ്തു. 1947ല്‍ തന്നെ അമേരിക്കന്‍ മിലിട്ടറി ഹോളോകോസ്റ്റ് നഷ്ടപരിഹാരം നല്‍കാനുള്ള നീക്കങ്ങള്‍ ആരംഭിച്ചിരുന്നു. ജര്‍മന്‍ നിയമസംഹിതയുടെ 59ാം വകുപ്പ് പ്രകാരം ഫ്രഞ്ച്, ബ്രിട്ടീഷ് അധീനതയിലുള്ള മേഖലകളില്‍ നാസികള്‍ പിടിച്ചെടുത്ത വസ്തുവകകള്‍ കണ്ടെടുത്ത് അവകാശികള്‍ക്ക് തിരിച്ചു നല്‍കുകയുണ്ടായി. 1951 സെപ്തംബര്‍ മാസത്തില്‍ പ്രഥമ ജര്‍മന്‍ ചാന്‍സലര്‍ കോണ്‍റാട് അതേനോര്‍ ചരിത്രപരമായ ഒരു പ്രഖ്യാപനം ജര്‍മന്‍ പാര്‍ലിമെന്റില്‍ നടത്തുകയുണ്ടായി. നാസി ജര്‍മനി ജനങ്ങളോട് ചെയ്തിട്ടുള്ള മുഴുവന്‍ കുറ്റകൃത്യങ്ങള്‍ക്കും ചാന്‍സലര്‍ മാപ്പ് പറഞ്ഞു. ലോക ജൂത സഭയോടും അവര്‍ക്കായി വാദിക്കുന്ന യൂറോപ്യന്‍ രാജ്യങ്ങളോടും ചര്‍ച്ചകള്‍ക്ക് സന്നദ്ധനാകുകയും ചെയ്തു.

1951 ഒക്ടോബറില്‍ 20 ജൂത സംഘടനകള്‍ ന്യൂയോര്‍ക്കില്‍ സമ്മേളിച്ച് നഷ്ടപരിഹാരം വര്‍ധിപ്പിക്കാന്‍, ‘ജൂയിഷ് മെറ്റീരിയല്‍ ക്ലെയിംസ് എഗൈന്‍സ്റ്റ് ജര്‍മനി’ എന്ന സംഘടന രൂപവത്കരിച്ചു. ഇവരാണ് 1952 മാര്‍ച്ചില്‍ ജര്‍മന്‍ സര്‍ക്കാറുമായും മറ്റും സമ്മര്‍ദ ചര്‍ച്ചകള്‍ നടത്തിയത്. തത്ഫലമായി ലക്‌സംബര്‍ഗ് എഗ്രിമെന്റ് ഉണ്ടാക്കുകയും 714 മില്യന്‍ ഡോളര്‍ ഇസ്റാഈലിന് കൊടുക്കുകയുമുണ്ടായി. മാത്രമല്ല 450 മില്യന്‍ ഡോളര്‍ വ്യക്തിഗത നഷ്ടപരിഹാരമായി വേറെയും നല്‍കി. 1956ല്‍ ഫെഡറല്‍ റിപബ്ലിക് ഓഫ് ജര്‍മനി ‘ഫെഡറല്‍ കോമ്പന്‍സേഷന്‍ ആക്ട്’ പാസ്സാക്കുകയും അതുവരെ ഉള്‍പ്പെടുത്താത്ത കേസുകള്‍ കൂടി കൂട്ടിച്ചേര്‍ക്കുകയും ചെയ്തു. പരുക്കേറ്റവര്‍ക്കും ആരോഗ്യത്തിന് ഹാനികരമായ വിധത്തില്‍ എന്തെങ്കിലും പ്രശ്‌നങ്ങള്‍ ഉണ്ടായവര്‍ക്കും വ്യക്തിസ്വാതന്ത്ര്യം ഹനിക്കപ്പെട്ടവര്‍ക്കും പ്രൊഫഷനല്‍ വളര്‍ച്ച തടയപ്പെട്ടവര്‍ക്കും തൊഴില്‍ പോയവര്‍ക്കും എല്ലാം നഷ്ടപരിഹാരം നല്‍കാനായിരുന്നു പ്രസ്തുത നിയമം. 1956 മുതല്‍ ഇവരുടെ തലമുറകള്‍ക്ക് ഉള്‍പ്പെടെ ഇന്‍ഷ്വറന്‍സ് ലഭ്യമാക്കുന്ന പോളിസി നടപ്പാക്കി. അങ്ങനെ 25,000 ജൂതന്മാര്‍ക്ക് കൂടി മാസാന്ത പെന്‍ഷന്‍ ലഭ്യമാക്കി.

2019 ആയപ്പോഴേക്കും മുഴുവന്‍ ഹോളോകോസ്റ്റ് അതിജീവനക്കാര്‍ക്കും ലോകവ്യാപകമായി മാസാന്ത പെന്‍ഷന്‍ ലഭിച്ചു. ഇതുകൂടാതെ പോരായ്മകള്‍ എന്തെങ്കിലുമുണ്ടെങ്കില്‍ പരിഹരിക്കാന്‍ അവസാന ഘട്ടത്തില്‍ 2.55 ബില്യന്‍ ഡോളര്‍ കൂടി നല്‍കപ്പെട്ടു. ഇനി ആര്‍ക്കെങ്കിലും എന്തെങ്കിലും വേണോ എന്ന് ചോദിച്ചു നടക്കുന്ന സ്ഥിതി വരെയുണ്ടായി. തത്ഫലമായി ഒന്നും നഷ്ടപ്പെടാത്തവരും കൃത്രിമ രേഖകള്‍ ഉണ്ടാക്കി അവകാശവാദങ്ങള്‍ ഉന്നയിച്ചു. അവര്‍ക്കും വന്‍ തുകകള്‍ കിട്ടി. അങ്ങനെ മുഴുവന്‍ ജൂതന്മാര്‍ക്കും അവരുടെ തലമുറകള്‍ക്കും ജോലിയെടുക്കാതെ സസുഖം ജീവിക്കാനുള്ള വക കൈവന്നു. ശരിക്കും ഇത് നഷ്ടപരിഹാരമായിരുന്നില്ല. പുതുതായി ഉണ്ടാക്കിയ ജൂതരാജ്യത്തില്‍ കുടിയേറി മികച്ച നിലയില്‍ ജീവിക്കാനുള്ള സൗകര്യം ഏര്‍പ്പാടാക്കുന്ന ഗൂഢപദ്ധതിയായിരുന്നു.

നാസികള്‍ മുമ്പ് നടത്തിയ ക്രൂരകൃത്യങ്ങളുടെ ഉത്തരവാദിത്വം തങ്ങള്‍ക്കിനി ഇല്ല എന്ന് ജര്‍മന്‍ ഡെമോക്രാറ്റിക് റിപബ്ലിക് ഉറപ്പ് വരുത്തുകയായിരുന്നു. ഇതിന് പുറമെ കമ്മ്യൂണിസ്റ്റ് ഭരണകാലത്ത് പിടിച്ചെടുത്ത സ്വത്തുക്കള്‍ക്കും മറ്റും നഷ്ടപരിഹാരം നല്‍കണമെന്ന് ആവശ്യമുയരുകയും ചോദിച്ചപ്പോഴേക്കും അതും നല്‍കുകയുമുണ്ടായി. വളരെ എളുപ്പത്തില്‍ പണം വാങ്ങിച്ചെടുക്കാന്‍ ജൂത ലോബിക്ക് നല്ല മിടുക്കുണ്ടായിരുന്നു. 1990ലെ ജര്‍മന്‍ പുനരേകീകരണാനന്തരം ഓപണ്‍ പ്രോപര്‍ട്ടി ക്വസ്റ്റ്യന്‍സ് ആക്ട് എന്ന മറ്റൊരു നിയമം പാസ്സാക്കിയാണ് കമ്മ്യൂണിസ്റ്റ് ഭരണകാലത്ത് പിടിച്ചെടുത്തവക്ക് കൂടി നഷ്ടപരിഹാരം നല്‍കിയത്. ഏതെങ്കിലും നിലക്ക് ദേശസാത്കരിച്ച സ്വത്ത് വകകളുടെ നഷ്ടപരിഹാരം കൂടി നല്‍കുന്നതായിരുന്നു മറ്റൊരു നിയമം.

സ്വത്ത് കൈവശം വെച്ചിരുന്ന മുഴുവന്‍ ജൂതന്മാര്‍ക്കും അവരുടെ അനന്തരാവകാശികള്‍ക്കും നഷ്ടപ്പെട്ടതിന്റെ ക്ലെയിം ചോദിച്ച് ഹരജികള്‍ ഫയല്‍ ചെയ്യാന്‍ സര്‍ക്കാര്‍ സൗകര്യം ഏര്‍പ്പെടുത്തി. അതായത് വീണ്ടും വീണ്ടും പണം നല്‍കിക്കൊണ്ടിരുന്നു. 1993 ജൂണ്‍ 30 വരെ ഇങ്ങനെ ഹരജി കൊടുക്കാന്‍ അവസരം നല്‍കി. ജൂതന്മാരുടെ സെമിത്തേരികള്‍ക്കും കിട്ടണം പണം എന്നായിരുന്നു മറ്റൊരു അവകാശവാദം. ഇത് പ്രകാരം മുഴുവന്‍ ജൂത സെമിത്തേരികളുടെയും 50 ശതമാനം പരിപാലന ചെലവ് ഇപ്പോഴും ജര്‍മന്‍ ഭരണകൂടം വഹിച്ചുവരികയാണ്. ഇത് മാത്രം 1.1 മില്യന്‍ ഡോളര്‍ വരും ഒരു വര്‍ഷത്തേക്ക്. യൂറോപ്പിലെ എല്ലാ ജൂത സെമിത്തേരികളും സര്‍ക്കാര്‍ ചെലവില്‍ സംരക്ഷിക്കുകയാണ് ഇപ്പോഴും.

നേരത്തേ പറഞ്ഞ ക്ലെയിംസ് കോണ്‍ഫറന്‍സ് എന്ന സംഘടന യൂറോപ്പിലെങ്ങുമുള്ള ജൂത പണ്ഡിതന്മാരുമായി സഹകരിച്ചു നടത്തുന്ന ഒന്നും ‘മറക്കാന്‍ പാടില്ല’ ക്യാമ്പയിനുകളുടെ ഭാഗമായി 11,000 ജൂത സെമിത്തേരികളും കൂട്ട കുഴിമാടങ്ങളും ‘കണ്ടെത്തുകയും’ നഷ്ടപരിഹാരത്തില്‍ ഉള്‍പ്പെടുത്തുകയുമുണ്ടായി. നാസികള്‍ ആറ് ലക്ഷം പെയിന്റിംഗുകള്‍ കൊള്ളയടിച്ചു എന്നാണ് ജൂതലോബി അവകാശപ്പെട്ടത്. ഒരു ലക്ഷം പെയിന്റിംഗുകള്‍ ഇപ്പോഴും കണ്ടെത്താന്‍ കഴിഞ്ഞിട്ടില്ലെന്നും ജൂതസംഘടനകള്‍ അവകാശപ്പെട്ടിരുന്നു. 2018 നവംബര്‍ 26ന് ജര്‍മനിയില്‍ നടന്ന മറ്റൊരു സമ്മേളനത്തില്‍ ജര്‍മനിയും അമേരിക്കയും നഷ്ടപരിഹാര തുക നല്‍കുന്നത് പെട്ടെന്നാക്കാനും തുക വര്‍ധിപ്പിക്കാനും സംയുക്ത തീരുമാനമെടുത്തു. ജര്‍മന്‍ ലോസ്റ്റ് ഫൗണ്ടേഷന്‍ സ്ഥാപിച്ച് ഇനിയും കണ്ടെത്താന്‍ കഴിയാത്ത മുഴുവന്‍ വസ്തുക്കളും തിരിച്ചുപിടിക്കാന്‍ ജര്‍മനി ഉത്തരവിട്ടു. നാസികളുടെ കൈവശമുള്ള നിരവധി സ്വത്തുവകകള്‍ അങ്ങനെ പിടിച്ചെടുക്കുകയുണ്ടായി. ഇതിനുവേണ്ടി മാത്രം 6.6 മില്യന്‍ ഡോളര്‍ 2018ല്‍ ചെലവഴിച്ചു.

സെന്റര്‍ ഫോര്‍ പ്രൊവിഡന്‍സ് റിസര്‍ച്ച്, ബര്‍ലിനില്‍ മാത്രമായി 27.3 മില്യണ്‍ ഡോളര്‍ ചെലവഴിച്ച് 273 പുനരധിവാസ പദ്ധതികള്‍ നടപ്പാക്കി. 13,000 സ്വത്തുക്കള്‍ പിന്നെയും കൊടുത്തു. ജര്‍മന്‍ ലോസ്റ്റ് ആര്‍ട്ട് ഫൗണ്ടേഷന്‍ ഓണ്‍ലൈനിലൂടെ ലോസ്റ്റ് ഡാറ്റാ ബേസ് ഉണ്ടാക്കുകയും കൂടുതല്‍ ആളുകളില്‍ നിന്ന് അപേക്ഷ സ്വീകരിക്കുകയും ചെയ്തു. 2019ല്‍ ബര്‍ലിനിലെ അമേരിക്കന്‍ എംബസിയില്‍ നടന്ന ഒരു ആഘോഷ ചടങ്ങില്‍ ഇതെല്ലാം അവകാശികള്‍ക്ക് തിരിച്ചു കൊടുത്തു. മാത്രമല്ല, ജര്‍മനി നിയമിച്ച അഡൈ്വസറി കമ്മീഷന്‍ ഇനി എന്തെങ്കിലും ആര്‍ക്കെങ്കിലും കിട്ടാന്‍ അവശേഷിക്കുന്നുണ്ടോ എന്ന് വിശദമായി പരിശോധിക്കുകയും ഒരാളും അവശേഷിക്കുന്നില്ലെന്ന് ഉറപ്പ് വരുത്തുകയുമുണ്ടായി. പണം കിട്ടാത്ത ഒരു ജൂതനും ഇനിയില്ല എന്ന് ഉറപ്പാക്കിയെങ്കിലും കമ്മിറ്റിയില്‍ ജൂതന്മാര്‍ ഇല്ല എന്നായി പരാതി. 2016ല്‍ രണ്ട് ജൂത മെമ്പര്‍മാരെ ഉള്‍പ്പെടുത്തി.

അവകാശികള്‍ ഇല്ലാത്ത കേസില്‍ അകന്ന ബന്ധുക്കളെയും മറ്റും കണ്ടെത്തി നഷ്ടപരിഹാരം കൊടുത്തുതീര്‍ത്തു. ചുരുക്കി പറഞ്ഞാല്‍ തലമുറകളോളം ജീവിക്കാനുള്ള വകകള്‍, ഫലസ്തീനികളുടെ ഭൂമി ചുളു വിലക്ക് കൈക്കലാക്കാനുള്ള തുക ഇങ്ങനെ എല്ലാ ജൂതന്മാര്‍ക്കും കിട്ടി എന്ന് യൂറോപ് ഉറപ്പ് വരുത്തി.
എന്നാല്‍ മറുഭാഗത്ത് ഫലസ്തീനികളുടെ സ്ഥിതിയോ? വെള്ളവും വെളിച്ചവും അന്നവും വസ്ത്രങ്ങളുമില്ലാതെ നരകയാതന. ഒരു നഷ്ട പരിഹാരവുമില്ല. ഗസ്സയില്‍ നിന്ന് പുറന്തള്ളപ്പെട്ട പതിനായിരക്കണക്കിന് പേര്‍ക്ക് യൂറോപ്പ് ഒന്നും കൊടുത്തില്ല. യു എന്‍ യുദ്ധക്കുറ്റവാളികളായി ഇസ്റാഈലിനെ കണക്കാക്കിയ സ്ഥിതിക്ക് എന്തൊക്കെ ഫലസ്തീനികള്‍ക്ക് തിരിച്ചു കൊടുക്കണം? കൊടുക്കാന്‍ തയ്യാറാണോ ലോകം?