റായ്പൂരില്‍ അമ്മയെ മകന്‍ ചുറ്റികകൊണ്ട് അടിച്ച് കൊലപ്പെടുത്തി

ഛത്തീസ്ഗഢ് | റായ്പൂരില്‍ അമ്മയെ മകന്‍ ചുറ്റികകൊണ്ട് അടിച്ച് കൊലപ്പെടുത്തി. നായ്ക്കുഞ്ഞിനെ വാങ്ങാന്‍ 200 രൂപ നല്‍കാത്തതിനെ തുടര്‍ന്നാണ് അമ്മയെ മകന്‍ ചുറ്റികകൊണ്ട് അടിച്ച് കൊലപ്പെടുത്തിയത്.

ദേവി എന്ന സ്ത്രീയാണ് കൊല്ലപ്പെട്ടത്.45കാരനായ പ്രദീപ് ദേവഗണ്‍ ആണ് കൊലപാതകം നടത്തിയത്.ആക്രമണത്തില്‍ പരുക്കേറ്റ പ്രദീപിന്റെ ഭാര്യ രാമശ്വരി ചികിത്സയിലാണ്.

പ്രദീപ് കൃത്യം നടത്തുന്നത് നേരില്‍ കണ്ട മകനാണ് കൊലപാതക വിവരം അയല്‍ക്കാരോട് പറഞ്ഞത്.സംഭവം അറിഞ്ഞ് നാട്ടുകാര്‍ ഓടിക്കൂടിയപ്പോഴേക്കും ദേവി മരിച്ചിരുന്നു.ഒളിവില്‍പോയ പ്രതിക്കായി അന്വേഷണം തുടരുകയാണെന്ന് പോലീസ് വ്യക്തമാക്കി.