Kerala
മകന്റെ ആത്മഹത്യ ക്രൂരമായ റാഗിങിനെ തുടര്‍ന്ന്; മുഖ്യമന്ത്രിക്കും ഡി ജി പിക്കും പരാതി നല്‍കി മാതാവ്
എറണാകുളം പിറവം തിരുവാണിയൂര്‍ ഗ്ലോബല്‍ പബ്ലിക് സ്‌കൂളിലെ വിദ്യാര്‍ഥി മിഹര്‍ ജീവനൊടുക്കിയ സംഭവത്തിലാണ് ആരോപണവുമായി മാതാവ് റജ്‌ന രംഗത്തെത്തിയത്.
കൊച്ചി | വിദ്യാര്‍ഥിയുടെ ആത്മഹത്യ റാഗിങിനെ തുടര്‍ന്നാണെന്ന പരാതിയുമായി മാതാവ്. എറണാകുളം പിറവം തിരുവാണിയൂര്‍ ഗ്ലോബല്‍ പബ്ലിക് സ്‌കൂളിലെ വിദ്യാര്‍ഥി മിഹര്‍ ജീവനൊടുക്കിയ സംഭവത്തിലാണ് ആരോപണവുമായി മാതാവ് റജ്‌ന രംഗത്തെത്തിയത്.
മകനെ ഒരുകൂട്ടം വിദ്യാര്‍ഥികള്‍ ക്രൂരമായി റാഗ് ചെയ്തു. സ്‌കൂളില്‍ വച്ചും സ്‌കൂള്‍ ബസില്‍ വച്ചും ക്രൂരമായി പീഡിപ്പിക്കപ്പെട്ടു. മകന്റെ സുഹൃത്തുക്കളില്‍ നിന്നും ഇതിനുള്ള തെളിവുകള്‍ ലഭിച്ചിട്ടുണ്ട്. വാഷ്‌റൂമില്‍ കൊണ്ടുപോയാണ് ക്രൂരമായി മര്‍ദിച്ചത്. മകന്റെ മുഖം ബലാത്കാരമായി ക്ലോസറ്റില്‍ മുക്കിയ ശേഷം ഫ്‌ളഷ് അടിച്ചു. മകനെ ശാരീരികമായി ഉപദ്രവിക്കുകയും നിറത്തിന്റെ പേരില്‍ പരിഹസിക്കുകയും ചെയ്തു.
നിസ്സഹായ ഘട്ടത്തിലാണ് മകന്‍ ആത്മഹത്യ ചെയ്തത്. സോഷ്യല്‍ മീഡിയ ചാറ്റില്‍ നിന്നാണ് മകന്‍ ക്രൂരമായ പീഡനത്തിന് ഇരയായതായി വ്യക്തമായത്. മുഖ്യമന്ത്രിയുടെ ഓഫീസിലും ഡി ജി പിക്കും ബാലാവകാശ കമ്മീഷനുമാണ് റജ്‌ന പരാതി നല്‍കിയത്. ജനുവരി 15നാണ് തൃപ്പൂണിത്തുറയിലെ ഫ്‌ളാറ്റിലെ 26-ാം നിലയില്‍ നിന്നും ചാടി മിഹര്‍ ജീവനൊടുക്കിയത്.
Latest
ഹയര്‍ സെക്കന്‍ഡറി പരീക്ഷാ സമയം പുനഃക്രമീകരിക്കണം: കേരള മുസ്‌ലിം ജമാഅത്ത്
പാര്‍ലിമെന്റ് സമ്മേളനത്തിന് ഇന്ന് തുടക്കം; ബജറ്റ് നാളെ
കുപ്രസിദ്ധ ഗുണ്ട തീക്കാറ്റ് സാജന്‍ പിടിയില്‍
ഡി സോണ്‍ കലോത്സവത്തിലെ സംഘര്‍ഷം: 10 എസ് എഫ് ഐ പ്രവര്‍ത്തകര്‍ക്കെതിരെ കേസ്
ജനുവരിയിലെ റേഷന്‍ വിതരണം ഫെബ്രുവരി നാലുവരെ ദീര്‍ഘിപ്പിച്ചു
അടിയന്തര ഘട്ടത്തില്‍ സര്‍ക്കാര്‍ ഡോക്ടര്‍ക്ക് സ്വകാര്യ ഡോക്ടറുടെ സേവനം തേടാമോ?; വ്യക്തത തേടി മനുഷ്യാവകാശ കമ്മീഷന്‍
