മെഡിക്കൽ വിദ്യാർത്ഥി അച്ഛനെ വെട്ടിക്കൊന്നു

തിരുവനന്തപുരം | നെയ്യാറ്റിന്‍കര വെള്ളറടയില്‍ മകന്‍ അച്ഛനെ വെട്ടിക്കൊന്നു. കിളിയൂര്‍ സ്വദേശി ജോസ് (70) ആണ് കൊല്ലപ്പെട്ടത്. മകന്‍ പ്രജിന്‍ ജോസ്(28) വെള്ളറട പോലീസില്‍ കീഴടങ്ങി.

മെഡിക്കൽ വിദ്യാർത്ഥിയാണ്  പ്രജിന്‍ എന്നാണ് വിവരം. ചൈനയിൽ എം ബി ബി എസ് പഠിക്കുകയായിരുന്നു. കൊറോണ കാലത്ത് വിദ്യാഭ്യാസം മുടങ്ങി നാട്ടിലെത്തിയതെന്നാണ് വിവരം. സ്വതന്ത്രമായി ജീവിക്കാൻ അനുവദിക്കാത്തതിനാലാണ് അച്ഛനെ കൊലപ്പെടുത്തിയതെന്ന്  പ്രജിന്‍  പോലീസിനോട് പറഞ്ഞതായും വിവരമുണ്ട്.

പ്രതിയെ വിശദമായി ചോദ്യം ചെയ്തുവരികയാണ്. പ്രതി കൊലപാതകം നടത്തിയത് സ്വബോധത്തില്‍ തന്നെയെന്ന് പോലിസ് പറഞ്ഞു. പണം ചോദിച്ചിട്ട് നല്‍കാത്ത വൈരാഗ്യത്തിലാണ് കൊലപാതകം എന്നാണ് സൂചന.

സംഭവം നടന്നപ്പോള്‍ ജോസും ഭാര്യയും പ്രജിനും മാത്രമാണ് വീട്ടിലുണ്ടായിരുന്നത്. കൊലപാതകത്തിനുശേഷം ജോസിന്റെ ഭാര്യ ഉറക്കെ നിലവിളിച്ചതോടെയാണ് നാട്ടുകാര്‍ വിവരമറിയുന്നത്. നാട്ടുകാരാണ് ഉടനടി പൊലീസിനെ വിളിച്ചറിയിച്ചത്. അറസ്റ്റിലായ മകന്‍ ചോദ്യം ചെയ്യലിനോട് സഹകരിക്കുന്നില്ലെ്ന്നും കാര്യങ്ങള്‍ തുറന്നു പറയുന്നില്ലെന്നും പോലീസ് പറഞ്ഞു.