ഡെറാഡൂണില്‍ അമിത വേഗതയിലെത്തിയ കാർ ട്രക്കിലേക്ക് ഇടിച്ചു കയറി അപകടം; ആറ് പേർ മരിച്ചു

ഡെറാഡൂണ്‍ | അമിതവേഗതയിലെത്തിയ കാര്‍ ട്രക്കുമായി കൂട്ടിയിടിച്ച് ആറ് പേര്‍ മരിച്ചു. ഡെറാഡൂണിലെ ഒന്‍ജിസി ചൗക്കില്‍ വെച്ച് പുലര്‍ച്ചെ 1.30 ഓടെയായിരുന്നു അപകടം.

ഡെറാഡൂണ്‍ സ്വദേശികളായ ഗുനീത് സിംഗ് (19) കാമാക്ഷി സിംഗല്‍ (20) നവ്യാ ഗോയല്‍ (23) റിഷബ് ജെയ്ന്‍ (24),അതുല്‍ അഗര്‍വാള്‍ (24), ചമ്പ സ്വദേശികളായ ഖുണാള്‍ കുക്കുറേജ (23) എന്നിവരാണ് മരിച്ചത്.ആറ് പേരും സംഭവസ്ഥലത്ത് വച്ച് തന്നെ മരിച്ചു.

കാറോടിച്ച 25കാരന് അപകടത്തില്‍ ഗുരുതരപരുക്കേറ്റിട്ടുണ്ട്. ഇയാള്‍ ചികിത്സയിലാണ്.
മരിച്ചവരില്‍ രണ്ട് പേര്‍ സ്വകാര്യ സര്‍വകലാശാലയിലെ വിദ്യാര്‍ഥികളാണ്. മറ്റുള്ളവര്‍ ഡെറാഡൂണിലെ വ്യാപാര കുടുംബങ്ങളില്‍ നിന്നുള്ളവരുമാണെന്നാണ് വിവരം.