എസ് എസ് എഫ് ഗോൾഡൻ ഫിഫ്റ്റി ജില്ലാറാലി: സ്വാഗത സംഘം രൂപവത്കരിച്ചു

വേങ്ങര | നമ്മൾ ഇന്ത്യൻ ജനത എന്ന പ്രമേയത്തിൽ അടുത്ത മാസം 23ന് വേങ്ങരയിൽ നടക്കുന്ന എസ് എസ് എഫ് ഗോൾഡൻ ഫിഫ്റ്റി മലപ്പുറം വെസ്റ്റ് ജില്ലാ റാലിയുടെ സ്വാഗത സംഘം രൂപവത്കരിച്ചു. കേരള മുസ്‌ലിം ജമാഅത്ത് മലപ്പുറം ജില്ലാ ഉപാധ്യക്ഷൻ ഊരകം അബ്ദുർറഹ്മാൻ സഖാഫി സംഗമം ഉദ്ഘാടനം ചെയ്തു. എസ് എസ് എഫ് ജില്ലാ പ്രസിഡന്റ് കെ സ്വാദിഖ് അലി ബുഖാരി, ജന. സെക്രട്ടറി എ മുഹമ്മദ് സഈദ് സകരിയ, എൻ അബ്ദുല്ല സഖാഫി, അതീഖ് റഹ്മാൻ സംസാരിച്ചു.

സയ്യിദ് ശിഹാബുദ്ദീൻ ബുഖാരി ചെയര്‍മാനായും അലിയാർ ഹാജി ജനറല്‍ കണ്‍വീനറായും കെ കെ അബ്ദുൽ ലത്തീഫ് ഹാജി ട്രഷററായുമുള്ള 101 അംഗ സ്വാഗത സംഘത്തെ തിരഞ്ഞെടുത്തു.

അബൂബക്കർ മുസ്‌ലിയാർ