എസ് എസ് എല്‍ സി പരീക്ഷാഫലം മെയ് എട്ടിന്

തിരുവനന്തപുരം | എസ് എസ് എല്‍ സി പരീക്ഷാഫലം മെയ് എട്ടിന് പ്രഖ്യാപിക്കും. എച്ച് എസ് ഇ, വി എച്ച് എസ് ഇ ഫലം മെയ് ഒമ്പതിനും പ്രസിദ്ധീകരിക്കും. വിദ്യാഭ്യാസ മന്ത്രി വി ശിവന്‍കുട്ടി അറിയിച്ചതാണ് ഇക്കാര്യം. കഴിഞ്ഞ വര്‍ഷത്തെക്കാള്‍ 11 ദിവസം മുമ്പാണ് ഇത്തവണത്തെ ഫലപ്രഖ്യാപനം.

4,27,105 വിദ്യാര്‍ഥികളാണ് ഈ വര്‍ഷം എസ് എസ് എല്‍ സി പരീക്ഷ എഴുതിയത്. ഇതില്‍ 2,17,525 പേര്‍ ആണ്‍കുട്ടികളും 2,09,580 പേര്‍ പെണ്‍കുട്ടികളുമാണ്.

സംസ്ഥാനത്താകെ 70 ക്യാമ്പുകളിലായി 10,863 അധ്യാപകര്‍ മൂല്യനിര്‍ണയ ക്യാമ്പില്‍ പങ്കെടുത്തു. ഏപ്രില്‍ മൂന്ന് മുതല്‍ 20 വരെയുള്ള ദിവസങ്ങളിലായാണ് മൂല്യനിര്‍ണയം പൂര്‍ത്തിയാക്കിയത്.