Kerala
സംസ്ഥാന സര്‍ക്കാര്‍ വാര്‍ഷികം: യുവജനങ്ങളുമായി മുഖ്യമന്ത്രിയുടെ മുഖാമുഖം മൂന്നിന്
വിവിധ ജില്ലകളിലെ 2,000 പേര്‍ പങ്കെടുക്കും
കോഴിക്കോട് | സംസ്ഥാന സര്‍ക്കാറിന്റെ നാലാം വാര്‍ഷികാഘോഷത്തോടനുബന്ധിച്ച് മുഖ്യമന്ത്രിയുടെ ‘യുവജനങ്ങളുമായുള്ള മുഖാമുഖം’ പരിപാടി മേയ് മൂന്നിന് രാവിലെ ഒമ്പത് മുതല്‍ ഉച്ചക്ക് ഒന്ന് വരെ മലബാര്‍ ക്രിസ്്ത്യന്‍ കോളജ് ഗ്രൗണ്ടില്‍ നടക്കും. സംഘാടനവുമായി ബന്ധപ്പെട്ട് ടൂറിസം പൊതുമരാമത്ത് മന്ത്രി പി എ മുഹമ്മദ് റിയാസിന്റെ അധ്യക്ഷതയില്‍ കലക്്ടറേറ്റ് കോണ്‍ഫറന്‍സ് ഹാളില്‍ യോഗം ചേര്‍ന്നു.
സംസ്ഥാനത്തെ എല്ലാ ജില്ലകളില്‍ നിന്നുമുള്ള 2,000ത്തിലേറെ യുവജന പ്രതിനിധികള്‍ പരിപാടിയില്‍ പങ്കെടുക്കുമെന്ന് മന്ത്രി അറിയിച്ചു. സംസ്ഥാനത്തിന്റെ വികസനത്തില്‍ യുവജനങ്ങളുടെ പങ്കാളിത്തം ഉള്‍പ്പെടെയുള്ള വിഷയങ്ങള്‍ പരിപാടിയില്‍ ചര്‍ച്ച ചെയ്യും.
സംസ്ഥാന യുവജനക്ഷേമ ബോര്‍ഡ് വൈസ് ചെയര്‍മാന്‍ എസ് സതീഷ് പരിപാടികളുടെ തയ്യാറെടുപ്പുകള്‍ വിശദീകരിച്ചു. പരിപാടിയുടെ വേദി സംബന്ധിച്ച ഒരുക്കങ്ങള്‍, പങ്കെടുക്കുന്നവര്‍ക്കുള്ള ഗതാഗത, താമസ സൗകര്യം ഉള്‍പ്പെടെയുള്ള കാര്യങ്ങള്‍ യോഗം ചര്‍ച്ച ചെയ്തു.
എം എല്‍ എമാരായ തോട്ടത്തില്‍ രവീന്ദ്രന്‍, അഹ്്മദ് ദേവര്‍കോവില്‍, അഡ്വ. സച്ചിന്‍ ദേവ്, ലിന്റോ ജോസഫ് എന്നിവര്‍ പരിപാടിയുടെ സംഘാടനത്തിന് നേതൃത്വം നല്‍കും. കോര്‍പറേഷന്‍, ജില്ലാ പഞ്ചായത്ത് എന്നിവയുടെ സഹകരണത്തോടെയാണ് പരിപാടിയുടെ സംഘാടനം നിര്‍വഹിക്കുക. സംസ്ഥാന യുവജന കമ്മീഷന്‍ അംഗം പി സി ഷൈജു, സംസ്ഥാന യുവജന ക്ഷേമ ബോര്‍ഡ് അംഗം ദിപു പ്രേംനാഥ് എന്നിവര്‍ കോ- ഓര്‍ഡിനേറ്റര്‍മാരായി പ്രവര്‍ത്തിക്കും.
യോഗത്തില്‍ മേയര്‍ ഡോ. ബീന ഫിലിപ്പ്, ഡെപ്യൂട്ടി മേയര്‍ മുസാഫര്‍ അഹ്്മദ്, ജില്ലാ പഞ്ചായത്ത് പ്രസിഡന്റ്്ഷീജ ശശി, വൈസ് പ്രസിഡന്റ്്അഡ്വ. പി ഗവാസ്, എ ഡി എം മുഹമ്മദ് റഫീഖ്, സംസ്ഥാന യുവജനക്ഷേമ ബോര്‍ഡ് വൈസ് ചെയര്‍മാന്‍ എസ് സതീഷ്, കോര്‍പറേഷന്‍ ടൂറിസം ഇന്‍ഫ്രാസ്ട്രക്ചര്‍ ഡെവലപമെന്റ്‌ചെയര്‍മാന്‍ എസ് കെ സജീഷ്, യുവജന കമ്മീഷന്‍ അംഗം പി സി ഷൈജു, കോഴിക്കോട് സര്‍വകലാശാലാ സിന്‍ഡിക്കറ്റ് അംഗം അഡ്വ. എല്‍ ജി ലിജീഷ്, യുവജനക്ഷേമ ബോര്‍ഡ് അംഗം ദീപു പ്രേംനാഥ്, സ്‌പോര്‍ട്സ് കൗണ്‍സില്‍ സെക്രട്ടറി പ്രഭു പ്രേംനാഥ് പങ്കെടുത്തു.
Latest
വീട്ടിൽ കയറി യുവതിയെ ഉപദ്രവിച്ച് പാസ്‌പോര്‍ട്ട് മോഷ്ടിടിച്ചയാള്‍ അറസ്റ്റില്‍
'കുരുന്നെഴുത്തുകള്‍': കുട്ടികളുടെ ഡയറിക്കുറിപ്പുകള്‍ പുസ്തകമാക്കി മന്ത്രി ശിവന്‍ കുട്ടി
ഭിന്നശേഷി പ്രതിഭകളെ തേടി ഹെല്ലന്‍ അവര്‍ഡ് ജേതാവ് ഉമര്‍ ഫാറൂഖിൻ്റെ അഖിലേന്ത്യാ യാത്ര
ദ്വിദിന സന്ദർശനം: ഇന്ത്യൻ പ്രധാനമന്ത്രി ഏപ്രിൽ 22ന് സഊദിയിലെത്തും
തലശ്ശേരിയില്‍ വീട്ടമ്മയെ ദുരൂഹസാഹചര്യത്തില്‍ മരിച്ചനിലയില്‍ കണ്ടെത്തി
സിറാജ് സ്‌പെഷ്യൽ ക്യാമ്പയിൻ: മലപ്പുറത്ത് എസ് എസ് എഫ് ഡിവിഷൻ നേതൃസംഗമങ്ങൾ പൂർത്തിയായി
