സംസ്ഥാന സ്‌കൂള്‍ കലോത്സവം; സ്വര്‍ണ്ണക്കപ്പിനായി ഇഞ്ചോടിഞ്ച് പോരാട്ടം: കണ്ണൂര്‍ മുന്നില്‍

തിരുവനന്തപുരം | 63ാമത് സംസ്ഥാന സ്‌കൂള്‍ കലോത്സത്തിന്റെ മൂന്നാം ദിനത്തിലെ മത്സരങ്ങള്‍ പുരോഗമിക്കവെ 713 പോയിന്റുകളോടെ കണ്ണൂര്‍ മുന്നില്‍. 708 പോയിന്റ് വീതമുള്ള കോഴിക്കോടും തൃശൂരുമാണ് രണ്ടാം സ്ഥാനത്ത്. മൂന്നാമതുള്ള പാലക്കാടിന് 702 പോയിന്റുണ്ട്.

മലപ്പുറമാണ് 681 പോയിന്റുമായി നാലാമത്. 674 പോയിന്റുള്ള കൊല്ലം അഞ്ചാമതുണ്ട്. കണ്ണൂരിനായിരുന്നു കഴിഞ്ഞ തവണത്തെ ചാമ്പ്യന്‍ഷിപ്പ്.

സ്‌കൂളുകളില്‍ ബി എസ് എസ് ഗുരുകുലം ഹയര്‍സെക്കണ്ടറി സ്‌കൂള്‍ ആലത്തൂരാണ് മുന്നില്‍. 123 പോയിന്റാണ് ഗുരുകുലത്തിനുള്ളത്. 93 പോയിന്റുമായി കാര്‍മല്‍ ഹയര്‍ സെക്കണ്ടറി സ്‌കൂള്‍ വഴുതക്കാടാണ് രണ്ടാമത്. 82 പോയിന്റുള്ള എം കെ എന്‍ എം എച്ച് എസ് കുമരമംഗലം ഇടുക്കിയാണ് മൂന്നാം സ്ഥാനത്ത്.