International
മ്യാന്‍മറില്‍ ശക്തമായ ഭൂചലനം; നൂറിലധികം മരണം; വന്‍ നാശനഷ്ടം
തീവ്രത 7.7. തുടര്‍ചലനങ്ങളും ഉണ്ടായതായാണ് റിപോര്‍ട്ട്. നൂറുകണക്കിനാളുകള്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നു.
നേപ്യിഡോ | മ്യാന്‍മറില്‍ 7.7 തീവ്രത രേഖപ്പെടുത്തിയ ശക്തമായ ഭൂചലനത്തില്‍ ഭൂചലനത്തില്‍ നൂറിലധികമാളുകള്‍ മരിച്ചു. നൂറുകണക്കിനാളുകള്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുണ്ട്. മ്യാന്‍മറിലും തായ്‌ലന്‍ഡിലും വന്‍ നാശനഷ്ടങ്ങള്‍ സംഭവിച്ചു. കെട്ടിടങ്ങളും പാലങ്ങളും തകര്‍ന്നു. മ്യാന്‍മറിലെ രണ്ടാമത്തെ വലിയ നഗരമായ മാന്‍ഡലെ തകര്‍ന്നടിഞ്ഞു. ആറ് പ്രവിശ്യകളില്‍ പട്ടാള ഭരണകൂടം ദുരന്തകാല അടിയന്തരാവസ്ഥ പ്രഖ്യാപിച്ചു.
മോണിവ നഗരത്തിന് ഏകദേശം 50 കിലോമീറ്റര്‍ കിഴക്കായി മധ്യ മ്യാന്‍മറിലായിരുന്നു ഭൂകമ്പത്തിന്റെ പ്രഭവകേന്ദ്രം. ശക്തമായ തുടര്‍ചലനങ്ങളും ഉണ്ടായതായാണ് റിപോര്‍ട്ട്.ഭൂകമ്പത്തിന്റെ പശ്ചാത്തലത്തില്‍ ആളുകളെ ഒഴിപ്പിക്കുന്നുണ്ട്.
മ്യാന്‍മറിലെ മണ്ഡലേയിലെ പ്രശസ്തമായ അവാ പാലം ഇറവാഡി നദിയിലേക്ക് തകര്‍ന്നുവീണു. ചൈനയിലും തായ്‌ലാന്‍ഡിലും തുടര്‍ചലനങ്ങള്‍ ഉണ്ടായി. ജനസാന്ദ്രതയേറിയ മധ്യ ബാങ്കോക്കിലെ ഹോട്ടലുകളില്‍ താമസിച്ചിരുന്നവര്‍ പരിഭ്രാന്തരായി പുറത്തേക്കോടി. ബാങ്കോക്കിലെ നിരവധി ബഹുനില കെട്ടിടങ്ങള്‍ ഭൂചലനത്തില്‍ തകര്‍ന്നു.
BREAKING: Skyscraper under construction collapses during earthquake in Bangkok pic.twitter.com/URArEojgyc
— BNO News (@BNONews) March 28, 2025
Latest
പ്രശസ്ത ചരിത്രകാരന്‍ ഡോ എം ജി എസ് നാരായണന്‍ അന്തരിച്ചു
ദുബൈ നഗരസഭയുടെ സർവേയിംഗ് പ്രവർത്തനങ്ങൾക്ക് ഉപഗ്രഹ സംവിധാനം
ഫ്രാന്‍സിസ് മാര്‍പാപ്പയ്ക്ക് വിട പറയാന്‍ ലോകം; പൊതുദര്‍ശനം പൂര്‍ത്തിയായി, ഇന്ന് ഉച്ചയ്ക്ക് സംസ്‌കാര ചടങ്ങുകള്‍ നടക്കും
പാകിസ്ഥാനില്‍ സ്ഫോടനം: 10 സൈനികര്‍ കൊല്ലപ്പെട്ടു, ഉത്തരവാദിത്വം ഏറ്റെടുത്ത് ബലൂച് ലിബറേഷന്‍ ആര്‍മി
ശോഭ സുരേന്ദ്രന്റെ വീടിന് മുന്നില്‍ സ്‌ഫോടക വസ്തു പൊട്ടിത്തെറിച്ചു; അന്വേഷണം ആവശ്യപ്പെട്ട് ബിജെപി
പഹല്‍ഗാം ഭീകരാക്രമണം: കശ്മീരില്‍ രണ്ട് ഭീകരരുടെ വീടുകള്‍ കൂടി അധികൃതര്‍ തകര്‍ത്തു
