Kerala
തിരുവനന്തപുരത്ത് വിദ്യാര്‍ത്ഥിയെ തല്ലിച്ചതച്ചു; സീനിയര്‍ വിദ്യാര്‍ത്ഥി അറസ്റ്റില്‍
ഗുരുതരമായി പരുക്കേറ്റ ആദിഷ് തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
തിരുവനന്തപുരം| തിരുവനന്തപുരം വാഴിച്ചല്‍ ഇമ്മാനുവല്‍ കോളജില്‍ വിദ്യാര്‍ത്ഥിയെ ക്രൂരമായി മര്‍ദിച്ച സീനിയര്‍ വിദ്യാര്‍ത്ഥി അറസ്റ്റില്‍. ജൂനിയര്‍ വിദ്യാര്‍ഥി ആദിഷിനെയാണ് സീനിയര്‍ വിദ്യാര്‍ത്ഥി ജിതിന്‍ മര്‍ദിച്ചത്. ഇന്നലെ രാത്രി ആദിഷിന്റെ മൊഴി പോലീസ് രേഖപ്പെടുത്തിയിരുന്നു. പിന്നാലെയാണ് ജിതിനെ അറസ്റ്റ് ചെയ്തത്. ആദിഷിന്റെ പിതാവ് ശ്രീകുമാരന്‍ ആര്യങ്കോട് പോലീസില്‍ നല്‍കിയ പരാതിയിലാണ് നടപടി. കോളജ് അധികൃതര്‍ക്കും പിതാവ് പരാതി നല്‍കിയിട്ടുണ്ട്. വ്യാഴാഴ്ച്ച ഉച്ചയ്ക്ക് ഒരു മണിയോടെയാണ് സംഘര്‍ഷം നടന്നത്.
ആദിഷിന്റെ വയറിലും നെഞ്ചിലും ചവിട്ടുകയും ശേഷം നിലത്തിട്ട് ചവിട്ടുകയും ചെയ്തിട്ടുണ്ട്. ഗുരുതരമായി പരുക്കേറ്റ ആദിഷ് തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലാണ്. നേരത്തെ ജിതിന്‍ മറ്റൊരു വിദ്യാര്‍ത്ഥിയുമായി കോളജ് പരിസരത്ത് വെച്ച് വാക്കേറ്റവും കയ്യാങ്കളിയും നടന്നിരുന്നു. ഈ വിഷയത്തില്‍ ആദിഷ് ഇടപെട്ടതിലുള്ള വൈരാഗ്യമാണ് ആക്രമണത്തിന് പിന്നിലെന്നാണ് പ്രാഥമിക വിവരം.
വാഴിച്ചല്‍ ഇമ്മാനുവല്‍ കോളജിലെ ബികോം ഇന്‍ഫര്‍മേഷന്‍ സിസ്റ്റം ഒന്നാം വര്‍ഷ വിദ്യാര്‍ത്ഥിയാണ് ആദിഷ്. ബികോം ഫിനാന്‍സ് ഡിപ്പാര്‍ട്ട്‌മെന്റിലെ രണ്ടാംവര്‍ഷ വിദ്യാര്‍ത്ഥിയാണ് ജിതിന്‍.
Latest
അവധിക്ക് നാട്ടിലേക്ക്‌ പോകാനിരുന്ന അങ്ങാടിപ്പുറം സ്വദേശി ദമാമില്‍ കുഴഞ്ഞ് വീണ്‌ മരിച്ചു
മര്‍ദനത്തില്‍ തലയോട്ടി തകര്‍ന്നു, നെഞ്ചിനുള്ളിൽ ആന്തരിക രക്തസ്രാവം; ഷഹബാസിന്റെ പോസ്റ്റുമോര്‍ട്ടം റിപോര്‍ട്ട്
കോടതിയില്‍ നിന്ന് പോക്‌സോ പ്രതി ഓടി രക്ഷപ്പെട്ടു; മണിക്കൂറുകള്‍ക്കകം പിടിയില്‍
ഹിമാചലില്‍ വിനോദയാത്രക്ക് പോയ കോളജ് സംഘം മണ്ണിടിച്ചിലില്‍ കുടുങ്ങി
ആഗ്ര - ലക്‌നോ എക്‌സ്പ്രസ് വേയില്‍ നിര്‍ത്തിയിട്ട ട്രക്കിന് പിന്നിലേക്ക് ബസ് ഇടിച്ചുകയറി; നാലു മരണം
ഗസ്സയിലെ അനാഥ കുട്ടികൾക്കായി ഷാർജ ക്യാമ്പയിൻ ആരംഭിച്ചു
