Kerala
കെ എസ് ആര്‍ ടി സി ബസ് ബൈക്കില്‍ ഇടിച്ച് വിദ്യാര്‍ഥി മരിച്ചു
ബൈക്കില്‍ ഒപ്പമുണ്ടായിരുന്ന സഹപാഠി അബീഷിനും (20) പരുക്കേറ്റു
പന്തളം | കെ എസ് ആര്‍ ടി സി ബസ് ബൈക്കില്‍ ഇടിച്ച് വിദ്യാര്‍ഥിക്ക് ദാരുണാന്ത്യം. ഉള്ളന്നൂര്‍ പുളിമൂട്ടില്‍ സജി നിവാസില്‍ വാടകക്കു താമസിക്കുന്ന തമിഴ്‌നാട് മരുതുംപാറ പാറയില്‍ വീട്ടില്‍ വിജയന്റെ മകന്‍ വി എം ആദര്‍ശ് (21) ആണ് മരിച്ചത്. ബൈക്കില്‍ ഒപ്പമുണ്ടായിരുന്ന സഹപാഠി അബീഷിനും (20) പരുക്കേറ്റു. ചൊവ്വാഴ്ച രാവിലെ ഒമ്പതോടെ എംസി റോഡില്‍ മെഡിക്കല്‍ മിഷന്‍ ജങ്ഷനു സമീപമായിരുന്നു അപകടം.
പറന്തന്‍ മാര്‍ ക്രിസോസ്റ്റും കോളജിലെ ബി സി എ വിദ്യാര്‍ഥിയാണ് ആദര്‍ശ്. ചൊവ്വാഴ്ച രാവിലെ ആദര്‍ശും അബീഷും ബൈക്കില്‍ കോളജിലേക്ക് പോകുമ്പോള്‍ കൊട്ടാരക്കരയില്‍ നിന്നും കോട്ടയത്തേക്ക് വരികയായിരുന്ന ബസ് ഇരുവരും സഞ്ചരിച്ച ബൈക്കില്‍ ഇടിക്കുകയായിരുന്നു. അപകടത്തില്‍ ഗുരുതരമായി പരുക്കേറ്റ ആദര്‍ശിനെ പന്തളത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ടാപ്പിങ് തൊഴിലാളിയായ വിജയനും കുടുംബവും വര്‍ഷങ്ങളായി മെഴുവേലി ഉള്ളന്നൂര്‍ പുളിമൂട്ടില്‍ സജി നിവാസില്‍ വാടകയ്ക്ക് താമസിച്ചു വരികയാണ്.
Latest
ദുരന്തമുഖങ്ങളിൽ കാവലാളായ് ഒരാൾ...
മുണ്ടക്കൈ ദുരന്തം: പ്രത്യേക പാക്കേജ് തന്നെ വേണം, കേന്ദ്രത്തിന് അനുകൂല സമീപനമില്ല: മന്ത്രി രാജന്‍
മുനമ്പം വിഷയത്തില്‍ നടക്കുന്നത് കള്ളക്കളി; സര്‍ക്കാറിനെതിരെ വി ഡി സതീശന്‍
ഊര്‍ജ മേഖലക്കായി എട്ട് കോടി രൂപയുടെ ആരോഗ്യ ക്ഷേമ അവാര്‍ഡ്; സംയുക്തമായി പ്രഖ്യാപിച്ച് ബുര്‍ജീല്‍ ഹോള്‍ഡിങ്‌സും ആര്‍ പി എമ്മും
'ഇനി മതിയാക്കാമെന്നു തോന്നുന്നു'; തിരഞ്ഞെടുപ്പ് രാഷ്ട്രീയത്തില്‍ നിന്ന് വിരമിക്കാനൊരുങ്ങി ശരത് പവാര്‍
പാർലമെന്റിന്റെ ശീതകാല സമ്മേളനം നവംബർ 25 മുതൽ
