ഇടുക്കിയില്‍ ടൂറിസ്റ്റ് ബസ് മറിഞ്ഞ് വിദ്യാര്‍ഥി മരിച്ചു; 43 വിദ്യാര്‍ഥികള്‍ക്ക് പരുക്ക്

ഇടുക്കി | ഇടുക്കിയില്‍ ടൂറിസ്റ്റ് ബസ് മറിഞ്ഞ് വിദ്യാര്‍ഥി മരിച്ചു. മലപ്പുറം സ്വദേശി മില്‍ഹാജ് ആണ് മരിച്ചത്. 43 വിദ്യാര്‍ഥികള്‍ക്ക് പരുക്കേറ്റു. അടിമാലി മുനിയറയിലാണ് അപകടം. പരുക്കേറ്റവരെ അടിമാലി താലൂക്ക് ആശുപത്രിയില്‍ പ്രവേശിപ്പിച്ചു.

വളാഞ്ചേരി റീജ്യണല്‍ ഐ ടി ഐ വിദ്യാര്‍ഥികള്‍ സഞ്ചരിച്ച ബസാണ് മറിഞ്ഞത്. പുലര്‍ച്ചെ നാട്ടുകാര്‍ നടത്തിയ തിരച്ചിലിലാണ് മില്‍ഹാജിന്റെ മൃതദേഹം കണ്ടെത്തിയത്. ബസിനിടിയില്‍ കുരുങ്ങിയ നിലയിലായിരുന്നു മൃതദേഹം.

ഡ്രൈവറുടെ അശ്രദ്ധയും പരിചയക്കുറവുമാണ് അപകടത്തിന് ഇടയാക്കിയതെന്ന് മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റ് (എം വി ഡി) അറിയിച്ചു. രാത്രി യാത്രക്ക് ഏര്‍പ്പെടുത്തിയിരുന്ന വിലക്കും ലംഘിക്കപ്പെട്ടു.

അതിനിടെ, വിദ്യാര്‍ഥികളുടെ യാത്ര കോളജിന്റെ അറിവോടെയല്ലെന്ന് അധികൃതര്‍ പറഞ്ഞു. അവധി സമയത്താണ് യാത്ര ആസൂത്രണം ചെയ്തതെന്ന് പ്രിന്‍സിപ്പല്‍ വ്യക്തമാക്കി.