Kerala
മണിമലയാറ്റില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു
തുകലശ്ശേരി ഐക്കാട് പ്ലാന്തറയില്‍ ആസിഫ് (14) ആണ് മരിച്ചത്.
തിരുവല്ല | സുഹൃത്തുമൊത്ത് മണിമലയാറ്റില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. തുകലശ്ശേരി ഐക്കാട് പ്ലാംന്തറ താഴ്ചയില്‍ പി എം അബ്ദുല്‍ സലാമിന്റെയും നജീറയുടെയും മകന്‍ ആസിഫ് മുഹമ്മദ് (14)ആണ് മരിച്ചത്. തിരുമൂലപുരം സെന്റ് തോമസ് ഹയര്‍ സെക്കന്‍ഡറി സ്‌കൂളിലെ ഒമ്പതാം ക്ലാസ് വിദ്യാര്‍ഥിയാണ്.
ഇന്ന് വൈകിട്ട് നാലരയോടെയാണ് സംഭവം. സ്‌കൂളില്‍ നിന്നും വീട്ടിലെത്തിയ ശേഷം സുഹൃത്തിനോടൊപ്പം കടവില്‍ കുളിക്കാനിറങ്ങിയ ആസിഫ് കയത്തില്‍ അകപ്പെട്ട് മുങ്ങിത്താഴുകയായിരുന്നു.
സുഹൃത്തിന്റെ കരച്ചില്‍ കേട്ട് സമീപവാസികള്‍ ചിലര്‍ ഓടിയെത്തി തിരച്ചില്‍ നടത്തിയെങ്കിലും ആസിഫിനെ കണ്ടെത്താനായില്ല. തുടര്‍ന്ന് തിരുവല്ലയില്‍ നിന്നും അഗ്നിരക്ഷാ സേനയും നാട്ടുകാരും ചേര്‍ന്ന് നടത്തിയ തിരച്ചിലില്‍ കടവില്‍ നിന്നും 50 മീറ്റര്‍ മാറി മൃതദേഹം കണ്ടെത്തുകയായിരുന്നു. തിരുവല്ല പോലീസെത്തി മേല്‍ നടപടിക്കു ശേഷം മൃതദേഹം സ്വകാര്യ ആശുപത്രി മോര്‍ച്ചറിയിലേക്ക് മാറ്റി.
Latest
പാലക്കാട് ഉപതിരഞ്ഞെടുപ്പ്; പോളിങ് ശതമാനം 45 പിന്നിട്ടു
നിയമം നിയമത്തിന്റെ വഴിക്ക് പോകും, വിചാരണ നേരിടാന് ഒരുക്കം; ആന്റണി രാജു
തൃശൂരില് അഞ്ച് ഹോട്ടലുകളില് നിന്നും പഴകിയ ഭക്ഷണം പിടികൂടി
വിവാഹ അഭ്യര്ഥന നിരസിച്ചതിന് അധ്യാപികയെ ക്ലാസ് മുറിയില് കയറി കുത്തിക്കൊന്ന് യുവാവ്
ഫുട്ബോളര് നെയ്മര് ദുബൈയില് പെന്റ് ഹൗസ് സ്വന്തമാക്കി
കൃത്യമായി പാര്ക്ക് ചെയ്തില്ല; വാഹനം കടലില് വീണു
