Kerala
തൊടുപുഴ ലോകോളജില്‍ ഇന്റേണല്‍ മാര്‍ക്കില്‍ ക്രമക്കേടിനെ ചൊല്ലി വിദ്യാര്‍ഥികളുടെ പ്രതിഷേധം
പരാതിയില്‍ അന്വേഷണം നടത്തുമെന്നും ക്രമക്കേട് നടന്നതായി തെളിഞ്ഞാല്‍ നടപടിയെടുക്കുമെന്നുമാണ് മാനേജ്‌മെന്റിന്റെ വിശദീകരണം
തൊടുപുഴ| ഇടുക്കി തൊടുപുഴ ലോകോളജില്‍ ഇന്റേണല്‍ മാര്‍ക്കില്‍ ക്രമക്കേട് നടത്തിയെന്ന് ആരോപിച്ച് പ്രതിഷേധം. സംഭവത്തെ തുടര്‍ന്ന് വിദ്യാര്‍ഥി സംഘടനകള്‍ എംജി യൂണിവേഴ്‌സിറ്റിയെ സമീപിച്ചു. മതിയായ യോഗ്യതയില്ലാതിരുന്നിട്ടും അധ്യാപകരുടെ ഇഷ്ടക്കാര്‍ക്ക് അധികമാര്‍ക്ക് നല്‍കിയെന്നാണ് വിദ്യാര്‍ഥികള്‍ക്ക് ആരോപിക്കുന്നത്.
എല്‍എല്‍ബി ഒന്നാം സെമസ്റ്റര്‍ പരീക്ഷയുടെ ഫലം പുറത്ത് വന്നതോടെയാണ് മാനേജ്‌മെന്റിനെതിരെ വിദ്യാര്‍ഥികള്‍ രംഗത്തെത്തിയത്. 50 ശതമാനത്തില്‍ കുറവ് ഹാജരുള്ള വിദ്യാര്‍ഥിക്ക് ഇന്റേണല്‍ മാര്‍ക്ക് മുഴുവന്‍ നല്‍കി റാങ്ക് നേടാന്‍ സഹായിച്ചെന്നാണ് വിദ്യാര്‍ഥികള്‍ ആരോപിക്കുന്നത്. അട്ടിമറിയില്‍ അന്വേഷണം നടത്തണമെന്നാവശ്യപ്പെട്ട് കുട്ടികള്‍ കോളജ് ഉപരോധിച്ചു.
അതേസമയം പരാതിയില്‍ അന്വേഷണം നടത്തുമെന്നും ക്രമക്കേട് നടന്നതായി തെളിഞ്ഞാല്‍ നടപടിയെടുക്കുമെന്നുമാണ് മാനേജ്‌മെന്റിന്റെ വിശദീകരണം. എന്നാല്‍ വിഷയത്തില്‍ പരിഹാരം ഉണ്ടാകുന്നതുവരെ പ്രതിഷേധം തുടരാനാണ് വിദ്യാര്‍ഥികളുടെ തീരുമാനം.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
