എന്‍സിഇആര്‍ടി പാഠപുസ്തകങ്ങളില്‍ ചിത്രങ്ങള്‍ തയ്യാറാക്കിയ വിദ്യാര്‍ഥികള്‍ കൊല്ലം കലോത്സവത്തിലും താരങ്ങള്‍

കൊല്ലം | എന്‍സിഇആര്‍ടിയുടെ കഴിഞ്ഞ വര്‍ഷത്തെ പാഠപുസ്തകങ്ങളില്‍ ഇല്ലസ്ട്രഷന്‍ തയ്യാറാക്കിയ 5 വിദ്യാര്‍ഥികള്‍ക്ക് 62ാമത് സംസ്ഥാന സ്‌കൂള്‍ കലോത്സവത്തില്‍ ചിത്രരചനയില്‍ എ ഗ്രേഡ്. പെന്‍സില്‍ ഡ്രോയിങ് ,ജലച്ചായം എന്നീ വിഭാഗത്തില്‍ സി.എസ്.നവീന്‍ (ജിവിഎച്ച്എസ്എസ്, മണീട്, എറണാകുളം), അനന്യ സുഭാഷ് (വിമല ഹൃദയ ഗേള്‍സ് എച്ച്എസ്എസ്, പട്ടത്താനം കൊല്ലം) ശ്രീലക്ഷ്മി ജയറാം (എസ്എച്ച് വിഎച്ച്എസ്, ഭരണങ്ങാനം,കോട്ടയം)വി.എസ്.സഞ്ജയ് (സെന്റ് ജോസഫ്‌സ് എച്ച്എസ്എസ്, തിരുവനന്തപുരം) ദക്ഷ്‌ദേവ് (ജിഎച്ച്എസ്എസ്, മാനന്തവാടി, വയനാട്) എന്നീ വിദ്യാര്‍ഥികള്‍ക്കാണ് എ ഗ്രേഡ് ലഭിച്ചത്.

എന്‍സിഇആര്‍ടിയുടെ 1,3,5,7,9 ക്ലാസുകളിലെ പാഠപുസ്തകങ്ങളിലാണ് കഴിഞ്ഞവര്‍ഷം വിദ്യാര്‍ഥികള്‍ ഇല്ലസ്‌ട്രേഷന്‍ തയാറാക്കിയത്. കോഴിക്കോടു നടന്ന സംസ്ഥാന സ്‌കൂള്‍ കലോത്സവത്തില്‍ ചിത്രരചനയില്‍ എ ഗ്രേഡ് വിദ്യാര്‍ഥികള്‍ കരസ്ഥാമാക്കിയതിന്റെ ഫലമായിട്ടായിരുന്നു പാഠപുസ്തകങ്ങളില്‍ വരക്കാന്‍ അവസരം ലഭിച്ചത്.