Saudi Arabia
വിശ്വാസികള്‍ക്ക് കുളിരേകി മദീനയില്‍ വേനല്‍ മഴ
മദീന ഗവര്‍ണറേറ്റിലെ മിക്ക പ്രദേശങ്ങളിലും മഴ ലഭിച്ചതായി സഊദി കാലാവസ്ഥാ നിരീക്ഷണ കേന്ദ്രം അറിയിച്ചു.
മദീന | വിശ്വാസികള്‍ക്ക് കുളിരേകി പ്രവാചക നഗരിയായ മദീനയില്‍ വേനല്‍ മഴ ലഭിച്ചു. മഴ ചൂടിന് ആശ്വാസമേകി. പുണ്യ റമസാനിലെ അവസാന ദിനങ്ങളായതിനാല്‍ സ്വദേശികളും വിദേശികളുമായി ആയിരങ്ങളാണ് മസ്ജിദുന്നബവിയില്‍ എത്തുന്നത്.
മദീന ഗവര്‍ണറേറ്റിലെ മിക്ക പ്രദേശങ്ങളിലും മഴ ലഭിച്ചതായി സഊദി കാലാവസ്ഥാ നിരീക്ഷണ കേന്ദ്രം അറിയിച്ചു. രാജ്യത്തിന്റെ വിവിധ പ്രദേശങ്ങളില്‍ ശക്തമായ മഴക്ക് സാധ്യതയുണ്ടെന്ന് നേരത്തെ മുന്നറിയിപ്പ് നല്‍കിയിരുന്നതിനാല്‍ മദീനയില്‍ ആവശ്യമായ സുരക്ഷാ മുന്‍കരുതലുകള്‍ സിവില്‍ ഡിഫന്‍സ് സ്വീകരിച്ചിരുന്നു. ദീര്‍ഘദൂര യാത്രകള്‍ ചെയ്യുന്നവരും താഴ്വാരങ്ങളില്‍ താമസിക്കുന്നവരും കാലാവസ്ഥാ നിരീക്ഷണ കേന്ദ്രങ്ങളുടെ നിര്‍ദേശങ്ങള്‍ പാലിക്കണമെന്നും കനത്ത മഴ ലഭിക്കാന്‍ സാധ്യതയുള്ളതില്‍ തെക്ക്- പടിഞ്ഞാറന്‍ ഭാഗങ്ങളില്‍ താമസിക്കുന്നവര്‍ കാലാവസ്ഥാ വ്യതിയാനങ്ങള്‍ ശ്രദ്ധിക്കണമെന്നും ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് നിര്‍ദേശിച്ചു.
Latest
നീലേശ്വരം വെടിക്കെട്ട് അപകടം; ഒരാള് കൂടി മരിച്ചു
കണ്ണൂരില് നാടക സംഘം സഞ്ചരിച്ച മിനി ബസ് മറിഞ്ഞ് രണ്ട് മരണം
സംസ്ഥാന സ്കൂള് ശാസ്ത്രോത്സവത്തിന് ഇന്ന് ആലപ്പുഴയില് തുടക്കം
മരുന്നുവില ഇരട്ടിയോളം കൂട്ടി കേന്ദ്രം
ആത്മകഥാ വിവാദം: പാര്ട്ടി ആവശ്യപ്പെട്ടില്ലെങ്കിലും വിശദീകരണം നല്കാന് ഇ പി
ഗസ്സയില് ഇസ്റാഈല് നടത്തുന്നത് വംശഹത്യ തന്നെ; ഐക്യരാഷ്ട്ര സമിതിയുടെ റിപോര്ട്ട്
