National
കെജ് രിവാളിനെ കൊലപ്പെടുത്താന്‍ ജയിലില്‍ ശ്രമം നടക്കുന്നതായി സുനിത കെജ് രിവാള്‍
അരവിന്ദ് കെജ് രിവാളിനെയും ഹേമന്ദ് സോറനെയും കുറ്റം തെളിയിക്കപ്പെടാതെയാണ് ജയിലിലടച്ചത്
റാഞ്ചി | ഡല്‍ഹി മുഖ്യമന്ത്രി അരവിന്ദ് കെജ് രിവാളിനെ തിഹാര്‍ ജയിലില്‍ വെച്ച് കൊലപ്പെടുത്താന്‍ ശ്രമം നടക്കുന്നതായി സുനിത കെജ് രിവാള്‍ ആരോപിച്ചു. അദ്ദേഹത്തിന് ജയിലില്‍ ഇന്‍സുലിന്‍ നിഷേധിച്ചെന്നും സുനിത കെജ രിവാള്‍ പറഞ്ഞു. റാഞ്ചിയില്‍ നടന്ന ഇന്ത്യ സഖ്യത്തിന്റെ റാലിയില്‍ സംസാരിക്കുകയായിരുന്നു അവര്‍.
ക്യാമറ നിരീക്ഷണത്തിലാണ് കെജ് രിവാളിന് ഭക്ഷണം നല്‍കുന്നത്. 12 വര്‍ഷമായി ഇന്‍സുലിനില്‍ പ്രമേഹം നിയന്ത്രിക്കുന്ന രോഗിയാണ് അദ്ദേഹം. എന്നാല്‍ തിഹാര്‍ ജയിലില്‍ അദ്ദേഹത്തിന് ഇന്‍സുലിന്‍ നിഷേധിക്കപ്പെട്ടു. അവര്‍ ഡല്‍ഹി മുഖ്യമന്ത്രിയെ വകവരുത്താനാണ് ശ്രമിക്കുന്നതെന്നും സുനിത കെജ് രിവാള്‍ പറഞ്ഞു.
അരവിന്ദ് കെജ് രിവാളിനെയും ഹേമന്ദ് സോറനെയും കുറ്റം തെളിയിക്കപ്പെടാതെയാണ് ജയിലിലടച്ചത്. ഇത് ഏകാധിപത്യമാണ്. എന്താണ് തന്റെ ഭര്‍ത്താവ് ചെയ്ത തെറ്റെന്നും അവര്‍ ചോദിച്ചു.മദ്യനയ അഴിമതി കേസില്‍ തിഹാര്‍ ജയിലില്‍ കഴിയുന്ന കെജ് രിവാളിനെ വകവരുത്താന്‍ ഗൂഢാലോചന നടക്കുന്നതായി എഎപി നേതാക്കള്‍ നേരത്തെയും ആരോപിച്ചിരുന്നു.
Latest
ഹെപ്പറ്റൈറ്റിസ് എ: കരളിനെ ബാധിക്കുന്ന വൈറസ് രോഗം
പാലക്കാട്ടെ കനത്ത പരാജയം; രാജി സന്നദ്ധത അറിയിച്ച് കെ സുരേന്ദ്രന്
ഷാര്ജ പൊതു നഴ്സറികളില് പ്രാഥമിക ഭാഷ അറബി ആയിരിക്കണം
കൂട്ടയോട്ടം ഗംഭീരം; ശൈഖ് സായിദ് റോഡ് മനുഷ്യ സാഗരമായി
വളപട്ടണത്ത് വ്യാപാരിയുടെ വീട്ടില് വന് കവര്ച്ച; ഒരു കോടി രൂപയും 300 പവനും മോഷണം പോയി
ജെയ്സി എബ്രഹാം കൊലക്കേസ്; രണ്ട് പേര് അറസ്റ്റില്
