Qatar World Cup 2022
സൂപ്പര്‍ അര്‍ജന്റീന; ആദ്യ പകുതിയില്‍ മുന്നില്‍
ഏകപക്ഷീയമായ രണ്ട് ഗോളിനാണ് അര്‍ജന്റീന മുന്നിലുള്ളത്.
ദോഹ | യൂറോപ്യന്‍ ശക്തികളായ ക്രൊയേഷ്യക്കെതിരെ ഖത്വര്‍ ലോകകപ്പിലെ ആദ്യ സെമിയുടെ ആദ്യ പകുതിയില്‍ ലാറ്റിനമേരിക്കന്‍ കരുത്തരായ അര്‍ജന്റീന മുന്നില്‍. ഏകപക്ഷീയമായ രണ്ട് ഗോളിനാണ് അര്‍ജന്റീന മുന്നിലുള്ളത്. മെസ്സി, ജൂലിയന്‍ അല്‍വാരസ് എന്നിവരാണ് ഗോളുകള്‍ നേടിയത്.
പെനാല്‍റ്റിയിലൂടെ മെസ്സിയാണ് ആദ്യ ഗോള്‍ നേടിയത്. 34ാം മിനുട്ടിലാണ് മെസ്സി ഗോള്‍ നേടിയത്. 32ാം മിനുട്ടില്‍ പന്തുമായി ക്രൊയേഷ്യന്‍ ബോക്സിലേക്ക് മുന്നേറിയ ജൂലിയന്‍ അല്‍വാരസിനെ വിഖ്യാത ഗോള്‍ കീപ്പര്‍ ഡൊമിനിക് ലിവാകോവിച്ച് ഫൗള്‍ ചെയ്യുകയായിരുന്നു. ഗോളെന്നുറപ്പിച്ച മുന്നേറ്റമായിരുന്നു അത്. ലിവാകോവിച്ചിന് മഞ്ഞക്കാര്‍ഡ് ലഭിച്ചു. കൂടെ ഡിഫന്‍ഡര്‍ മറ്റിയോ കൊവാചിച്ചിനും മഞ്ഞക്കാര്‍ഡ് ലഭിച്ചു.
ഏറെ വൈകാതെ 39ാം മിനുട്ടില്‍ സുന്ദരമായ മുന്നേറ്റത്തിലൂടെ അല്‍വാരസ് ഗോള്‍ നേടുകയായിരുന്നു. അര്‍ജന്റീനിയന്‍ ഭാഗത്ത് നിന്ന് എതിർ ബോക്സിലേക്ക് നടത്തിയ ഒറ്റയാള്‍ മുന്നേറ്റത്തിലാണ് ആ ഗോള്‍ പിറന്നത്.
Latest
ഡല്‍ഹിയിലെ വായു മലിനീകരണം: സര്‍ക്കാരിനെ രൂക്ഷമായി വിമര്‍ശിച്ച് സുപ്രീംകോടതി
പ്രവാസി സാഹിത്യോത്സവിന് പ്രോജ്ജ്വല സമാപനം; റിഫ സോണ്‍ ജേതാക്കള്‍
ഫുഡ് ബേങ്ക് പ്രതിദിനം 90,000 ഭക്ഷണപ്പൊതികള്‍ വിതരണം ചെയ്യുന്നു
വീട്ടുകാര്‍ പള്ളി പെരുന്നാളിന് പോയി; വീടിന് തീയിട്ട് അജ്ഞാത സംഘം
മുനമ്പത്ത് റീസര്‍വെയെന്നത് ചിലരുടെ ഭാവനസൃഷ്ടി; സര്‍ക്കാര്‍ ശ്രമം ശാശ്വത പരിഹാരത്തിന്: മന്ത്രി പി രാജീവ്
ഇരട്ട വോട്ടെന്ന് ആക്ഷേപമുള്ളവ പ്രത്യേക ലിസ്റ്റാക്കും; ഉദ്യോഗസ്ഥരുടെ ഭാഗത്തുനിന്നും വീഴ്ചയുണ്ടായെങ്കില്‍ നടപടിയുണ്ടാകും: പാലക്കാട് ജില്ലാ കലക്ടര്‍
