t20
സൂര്യകുമാറും വെങ്കടേഷും തകർത്തടിച്ചു; 185 റൺസ് വിജയ ലക്ഷ്യമുയർത്തി ഇന്ത്യ
സൂര്യകുമാർ യാദവ്- വെങ്കടേഷ് അയ്യർ അഞ്ചാം വിക്കറ്റ് കൂട്ടുകെട്ടിലെ കൂറ്റനടികളാണ് ഈ സ്കോറിലെത്തിച്ചത്.
കൊല്‍ക്കത്ത | വെസ്റ്റ് ഇന്‍ഡീസിനെതിരായ മൂന്നാം ടി20 മത്സരത്തില്‍ ഇന്ത്യയുടെ മുന്‍നിര ബാറ്റിംഗുകാരെല്ലാം നിരാശപ്പെടുത്തിയെങ്കിലും മധ്യനിരയുടെ പ്രകടനത്തിൽ ഇന്ത്യക്ക് ഭേദപ്പെട്ട സ്കോർ. ടോസ് നേടി വെസ്റ്റ് ഇന്‍ഡീസ് ഫീല്‍ഡിംഗ് തിരഞ്ഞെടുത്തപ്പോള്‍ ഇന്ത്യ ഉയര്‍ത്തിയ സ്കോർ അഞ്ച് വിക്കറ്റ് നഷ്ടത്തില്‍ 184 റണ്‍സ് ആണ്. സൂര്യകുമാർ യാദവ്- വെങ്കടേഷ് അയ്യർ അഞ്ചാം വിക്കറ്റ് കൂട്ടുകെട്ടിലെ കൂറ്റനടികളാണ് ഈ സ്കോറിലെത്തിച്ചത്. സൂര്യകുമാർ അർധസെഞ്ചുറി (31 ബോളിൽ 65) നേടിയപ്പോൾ വെങ്കടേഷ് അയ്യര്‍ 19 ബോളിൽ 35 റൺസെടുത്തു.
ഇശാന്‍ കിഷന്‍ (34), ശ്രേയസ് അയ്യര്‍ (25) എന്നിവരും ഭേദപ്പെട്ട പ്രകടനം കാഴ്ചവെച്ചു. സ്‌കോര്‍ പത്തിലെത്തി നില്‍ക്കെ ഓപ്പണര്‍ റുതുരാജ് ഗെയ്ക്‌വാദിനെ നഷ്ടപ്പെട്ടത് തിരിച്ചടിയായി. ക്യാപ്റ്റന്‍ രോഹിത് ശര്‍മക്കും തിളങ്ങാനായില്ല.
വെസ്റ്റ് ഇന്‍ഡീസ് ബോളിംഗ് നിരയില്‍ ജേസണ്‍ ഹോള്‍ഡര്‍, റോസ്റ്റണ്‍ ചേസ്, ഹൈഡന്‍ വാഷ്, ഡൊമിനിക് ഡ്രേക്‌സ്, റൊമാരിയോ ഷെപ്പേർഡ് എന്നിവര്‍ ഓരോന്ന് വീതം വിക്കറ്റ് നേടി.
Latest
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
