Kerala
യു കെയില്‍ ജോലി വാഗ്ദാനം ചെയ്ത് 3.5 ലക്ഷം രൂപ തട്ടിയെടുത്തു; പ്രതി പിടിയില്‍
കോട്ടയം പായിപ്പാട് പള്ളിക്കച്ചിറ മുക്കാഞ്ഞിരം തുമ്പോളില്‍ വീട്ടില്‍ തോമസ് ജോണ്‍ (52 ) ആണ് അറസ്റ്റിലായത്.
പത്തനംതിട്ട | നഴ്സിങ് കഴിഞ്ഞ യുവതിയെ യു കെ യില്‍ ഫൈന്‍ ദിനിഗിങ് എന്ന സ്ഥാപനത്തില്‍ സൂപ്പര്‍വൈസര്‍ ആയി ജോലി നല്‍കാമെന്ന് വിശ്വസിപ്പിച്ചു പണം തട്ടിയ കേസില്‍ പ്രതിയെ കോയിപ്രം പോലീസ് അറസ്റ്റ് ചെയ്തു. കോട്ടയം പായിപ്പാട് പള്ളിക്കച്ചിറ മുക്കാഞ്ഞിരം തുമ്പോളില്‍ വീട്ടില്‍ തോമസ് ജോണ്‍ (52 ) ആണ് അറസ്റ്റിലായത്. ഓഫര്‍ ലെറ്റര്‍ കാണിച്ച് 2022 സെപ്തംബര്‍ 28ന് പ്രതി യുവതിയുടെ കൈയില്‍ നിന്നും 3,50,000 കൈപ്പറ്റിയ ശേഷം വിസ തരപ്പെടുത്തി കൊടുക്കുകയോ വാങ്ങിയ തുക തിരികെ കൊടുക്കുകയോ ചെയ്തിരുന്നില്ല.
സംഭവത്തിനുശേഷം മുങ്ങിയ പ്രതിയെ അഞ്ചല്‍ പോലീസ് സമാന കേസില്‍ അറസ്റ്റ് ചെയ്യുകയും തിരുവനന്തപുരം സ്പെഷ്യല്‍ ജയിലില്‍ ജുഡീഷ്യല്‍ കസ്റ്റഡിയില്‍ കഴിഞ്ഞു വരികയുമായിരുന്നു. തുടര്‍ന്ന് ഇയാളെ കോയിപ്പുറം പോലീസ് അറസ്റ്റ് ചെയ്യുകയും കോടതി റിമാന്‍ഡ് ചെയ്യുകയും ചെയ്തു. കേസില്‍ വിശദമായ അന്വേഷണം നടന്നുവരികയാണ്.
പ്രതിക്ക് തിരുവല്ല, പോത്താനിക്കാട്, അഞ്ചല്‍ പോലീസ് സ്റ്റേഷനുകളില്‍ ഇത്തരത്തില്‍ തട്ടിപ്പ് നടത്തിയതിന് കേസുകള്‍ നിലവിലുണ്ട്. കോയിപ്രം പോലീസ് ഇന്‍സ്‌പെക്ടര്‍ ജി സുരേഷ് കുമാറിന്റെ നേതൃത്വത്തിലുള്ള അന്വേഷണസംഘത്തില്‍ എസ് ഐ. ഷൈജു, എസ് സി പി ഒ. ജോബിന്‍ ജോണ്‍, സി പി ഒ. ശരത് കുമാര്‍ എന്നിവരാണ് ഉള്ളത്.
Latest
ക്ഷമിക്കാൻ അറിയണം; ക്ഷമയാണ് പ്രതീക്ഷ
ഗസ്സ: സഹായം തടഞ്ഞ ഇസ്‌റാഈല്‍ നടപടിയില്‍ വ്യാപക പ്രതിഷേധം
സ്വകാര്യ സര്‍വകലാശാല ആരംഭിക്കാന്‍ സമസ്ത
കാട്ടാനയെ കണ്ട് ഭയന്നോടി; കുഴഞ്ഞുവീണ വയോധികന്‍ മരിച്ചു
മഞ്ചേശ്വരം വാമഞ്ചൂരില്‍ കാര്‍ ഡിവൈഡറില്‍ ഇടിച്ചു മറിഞ്ഞ് മൂന്നുപേര്‍ മരിച്ചു; ഒരാള്‍ക്ക് ഗുരുതര പരിക്ക്
അനധികൃത മത്സ്യബന്ധനം; തമിഴ്‌നാട് സ്വദേശിയുടെ ട്രോളര്‍ പിടിച്ചെടുത്തു
