Kerala
പെരുന്നാള്‍ ദിനത്തില്‍ ലഹരിക്കെതിരെ 652 കേന്ദ്രങ്ങളില്‍ എസ് വൈ എസ് ജനനിര ; ജില്ലാതല ഉദ്ഘാടനം സ്വലാത്ത് നഗറില്‍ നടന്നു
ജില്ലാതല ഉദ്ഘാടനം സ്വലാത്ത് നഗര്‍ മഅദിന്‍ ക്യാമ്പസില്‍ കേരള മുസ്‌ലിം ജമാഅത്ത് സംസ്ഥാന ജനറല്‍ സെക്രട്ടറി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി നിര്‍വഹിച്ചു
മലപ്പുറം | സമൂഹത്തില്‍ അനിയന്ത്രിതമായി വ്യാപിച്ചു കൊണ്ടിരിക്കുന്ന മദ്യ മയക്കുമരുന്ന് വിപത്തിനെതിരെ ചെറിയ പെരുന്നാള്‍ ദിനത്തില്‍ എസ് വൈ എസ് മലപ്പുറം ഈസ്റ്റ് ജില്ലാ കമ്മിറ്റിയുടെ നേതൃത്വത്തില്‍ 652 യൂണിറ്റ് കേന്ദ്രങ്ങളില്‍ ജനനിര നടന്നു.
പെരുന്നാള്‍ നിസ്‌കാരശേഷം പള്ളികളില്‍ പ്രഭാഷണവും പ്രതിജ്ഞയും സംഘടിപ്പിച്ചു.
നാട്ടില്‍ അപകടകരമായ വിധം വര്‍ധിച്ചുകൊണ്ടിരിക്കുന്ന ലഹരിക്കും തന്മൂലമുണ്ടാകുന്ന കുറ്റകൃത്യങ്ങള്‍ക്കുമെതിരെ എല്ലാത്തരം മനുഷ്യരും ഒത്തുചേരുന്ന ജനനിരയും കയ്യൊപ്പ് ശേഖരണവും നടത്തി.
ജില്ലാ തല ഉദ്ഘാടനം സ്വലാത്ത് നഗര്‍ മഅദിന്‍ ക്യാമ്പസില്‍ കേരള മുസ്‌ലിം ജമാഅത്ത് സംസ്ഥാന ജനറല്‍ സെക്രട്ടറി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി നിര്‍വഹിച്ചു. ജില്ലാ ഉപാധ്യക്ഷന്‍ എം ദുല്‍ഫുഖാറലി അധ്യക്ഷത വഹിച്ചു.
എസ് വൈ എസ് സംസ്ഥാന കമ്മിറ്റി അംഗം പി പി മുജീബ് റഹ്മാന്‍ , യൂസുഫ് സഖാഫി സ്വലാത്ത് നഗര്‍,എസ് വൈ എസ് മലപ്പുറം സോണ്‍ പ്രസിഡന്റ് സി കെ ഖാലിദ് സഖാഫി, റിയാസ് സഖാഫി പൂക്കോട്ടൂര്‍ , സി കെ ബഷീര്‍ സഖാഫി, ഇര്‍ഫാന്‍ സഖാഫി, ശബീബ് അദനി, ഉസ്മാന്‍ കക്കോവ് എന്നിവര്‍ നേതൃത്വം നല്‍കി.
ലഹരിക്കെതിരെ യൗവനം സമരമാകുന്നു എന്ന തലവാചകത്തില്‍ വ്യാപകമായ ബോധവല്‍ക്കരണ പ്രചാരണ പ്രവര്‍ത്തനങ്ങള്‍ ആണ് എസ് വൈ എസ് ആവിഷ്‌കരിച്ചിരിക്കുന്നത്.ലഹരി വിരുദ്ധ പ്രവര്‍ത്തനങ്ങളുടെ യൂണിറ്റ് തല വിളംബരമാണ് പെരുന്നാള്‍ ദിനം ജില്ലയില്‍ സംഘടിപ്പിച്ചത്.വിവിധ കേന്ദ്രങ്ങളില്‍ പ്രാസ്ഥാനിക നേതാക്കളും സാമൂഹിക സാംസ്‌കാരിക രംഗത്തെ പ്രമുഖ വ്യക്തികളും ജനനിരയില്‍ അണിനിരന്നു.
Latest
മകനും ഭാര്യയും കുക്കറുകൊണ്ട് അടിച്ച് പരുക്കേല്‍പ്പിച്ചു; വയോധികക്ക് ഗുരുതര പരുക്ക്
സിപിഎം ഭീഷണിയെ തുടര്‍ന്ന് അവധിയില്‍ പോയ വില്ലേജ് ഓഫീസര്‍ തിരികെ ജോലിയില്‍ പ്രവേശിച്ചു
വീട്ടില്‍ നിന്നും ചാരായവും വാറ്റുപകരണങ്ങളുമായി പ്രതി പിടിയില്‍
സിറാജ് മലപ്പുറം പ്രമോഷന്‍ കൗണ്‍സില്‍ ജില്ലാ നേതൃത്വ സംഗമം നാളെ
ഹൃദയാഘാതം; മലയാളി ബഹ്റൈന്‍-സഊദി കോസ് വേയില്‍ വെച്ച് മരണപെട്ടു
സംസ്ഥാന സര്‍ക്കാര്‍ വില്‍പന നികുതി കൂട്ടി; കര്‍ണാടകയില്‍ ഡീസലിന് രണ്ട് രൂപയുടെ വര്‍ധന
