ഊട്ടി, കൊടൈക്കനാല്‍ സന്ദര്‍ശനത്തിന് ഇ പാസ് നിര്‍ബന്ധമാക്കി തമിഴ്‌നാട്

കോയമ്പത്തൂര്‍ |  ഊട്ടിയിലേക്കും കൊടൈക്കനാലിലേക്കും യാത്ര പോകാനൊരുങ്ങുന്ന സഞ്ചാരികള്‍ക്ക് ഇ- പാസ് നിര്‍ബന്ധമാക്കി അധികൃതര്‍ . ഹില്‍ സ്റ്റേഷനുകളിലെ തിരക്ക് കുറയ്ക്കുന്നതിന് ഹൈക്കോടതി ഇടപെടലിനെ തുടര്‍ന്നാണ് നടപടി. വേനലവധിക്കാലത്ത് ഊട്ടിയിലേക്കും കൊടൈക്കനാലിലേക്കുമുള്ള വാഹന ബാഹുല്യം നിയന്ത്രിക്കുന്നതിന്റെ ഭാഗമായാണ് നടപടി.പ്രവൃത്തി ദിനങ്ങളില്‍ പ്രതിദിനം 6000 വാഹനങ്ങള്‍ക്ക് മാത്രമാണ് ഊട്ടിയിലേക്ക് പ്രവേശനം. വാരാന്ത്യത്തില്‍ 8000 വാഹനങള്‍ക്ക് വരെ കടന്നുചെല്ലാം. ഇന്നലെയാണ് ഹില്‍സ്റ്റേഷുകളിലേക്ക് സഞ്ചാരികള്‍ വരുന്നത് നിയന്ത്രിക്കുന്നതിനായി ഇ-പാസ് നിര്‍ബന്ധമാക്കിയത്. ഊട്ടി, കൊടക്കനാല്‍ സന്ദര്‍ശിക്കാന്‍ വരുന്നവര്‍ https://epass.tnega.org/ എന്ന വിലാസത്തില്‍ അപേക്ഷിക്കാവുന്നതാണ്.

അതേസമയം ഇ- പാസ് നിര്‍ബന്ധമാക്കിയ അധികൃതരുടെ നടപടിയില്‍ ഊട്ടിയിലെ വ്യാപാരികള്‍ കട അടച്ച് പ്രതിഷേധിച്ചു. പുതിയ ഉത്തരവ് പ്രകാരം, സ്വകാര്യ വാഹനങ്ങളില്‍ ജില്ല സന്ദര്‍ശിക്കുന്നവര്‍ സര്‍ക്കാര്‍ പോര്‍ട്ടലില്‍ മുന്‍കൂട്ടി അപേക്ഷ നല്‍കി ഇ- പാസ് നേടേണ്ടതുണ്ട്. വേനല്‍ക്കാലത്ത് മലയോര വിനോദസഞ്ചാര കേന്ദ്രങ്ങളിലേക്ക് വര്‍ദ്ധിച്ചുവരുന്ന വാഹന തിരക്ക് പരിശോധിക്കാന്‍ തമിഴ്‌നാട്ടിലെ ഊട്ടി, കൊടൈക്കനാലില്‍ (ദിണ്ടിഗല്‍ ജില്ല) ഇ-പാസ് സംവിധാനം നടപ്പിലാക്കണമെന്ന് മദ്രാസ് ഹൈക്കോടതി നേരത്തെ ഉത്തരവിട്ടിരുന്നു.