Kerala
തമിഴ്നാട് പോലീസ് തിരയുന്ന മോഷണക്കേസ് പ്രതി ചിറ്റാറില്‍ പിടിയില്‍
തമിഴ്നാട് തിരുനെല്‍വേലി മുന്നീര്‍പള്ളം മേലകരുണ്‍കുളം, 31/2 സുഭാഷ് ചന്ദ്രബോസ് സ്ട്രീറ്റില്‍ മൈദീന്‍ പിച്ചയാണ് അറസ്റ്റിലായത്.
പത്തനംതിട്ട | തമിഴ്നാട് പോലീസ് ഒന്നര വര്‍ഷമായി തിരഞ്ഞുവരുന്ന നിരവധി മോഷണ
കേസുകളിലെ പ്രതിയെ ചിറ്റാര്‍ നീലിപിലാവില്‍ നിന്നും പോലീസ് പിടികൂടി തമിഴ്നാട് പോലീസിന് കൈമാറി. തമിഴ്നാട് തിരുനെല്‍വേലി മുന്നീര്‍പള്ളം മേലകരുണ്‍കുളം, 31/2 സുഭാഷ് ചന്ദ്രബോസ് സ്ട്രീറ്റില്‍ മൈദീന്‍ പിച്ചയാണ് അറസ്റ്റിലായത്.
ചിറ്റാര്‍ എസ് ഐ. രവീന്ദ്രന്‍ നായര്‍, സി പി ഒമാരായ മിഥുന്‍, അനീഷ് എന്നിവരടങ്ങിയ സംഘമാണ് ഇവിടെ ഒളിവില്‍ കഴിഞ്ഞുവന്ന മോഷ്ടാവിനെ പിടികൂടിയത്. തുടര്‍ന്ന്, തമിഴ്നാട് തിരുനെല്‍വേലി കല്ലിടിക്കുറിച്ചി എസ് ഐ. അന്‍വറിനും സംഘത്തിനും പ്രതിയെ കൈമാറുകയായിരുന്നു.
വാഹനമോഷണം പതിവാക്കിയ മൈദീന്‍ പിച്ച, കഴിഞ്ഞ 30ന് കല്ലിടിക്കുറിച്ചിയില്‍ നിന്നും ബജാജ് പ്ലാറ്റിന മോട്ടോര്‍ സൈക്കിള്‍ മോഷ്ടിച്ചു കടക്കുകയായിരുന്നു. തുടര്‍ന്ന് സീതത്തോട് എത്തിയ മോഷ്ടാവ് ടൈല്‍സ് പണിയും മേസ്തിരി പണിയുമൊക്കെയായി പലര്‍ക്കൊപ്പം കൂടി. ഇയാളുടെ മൊബൈല്‍ ഫോണ്‍ കേന്ദ്രീകരിച്ച് തമിഴ്നാട് പോലീസ് നടത്തിയ അന്വേഷണത്തില്‍ ലൊക്കേഷന്‍ ചിറ്റാര്‍ കാണിച്ചതിനെ തുടര്‍ന്ന് ഇവിടുത്തെ പോലീസിനെ വിവരം ധരിപ്പിച്ചു. തുടര്‍ന്ന് എസ് ഐ. രവീന്ദ്രന്റെ നേതൃത്വത്തില്‍ മോഷ്ടാവിനെ കുടുക്കുകയായിരുന്നു. മോഷ്ടിച്ച ബൈക്ക് പോലീസ് കണ്ടെത്തി കസ്റ്റഡിയിലെടുത്തു.
Latest
വിഷ്ണുജയുടെ മരണം; ഭര്‍ത്താവ് പ്രഭിന്റെ ജാമ്യാപേക്ഷ കോടതി തള്ളി
ഒട്ടക ഇറച്ചി വില്‍പ്പന നീക്കം; നടപടിയുമായി പോലീസ്
ഇന്ത്യക്കാരെ സാധാരണ വിമാനത്തില്‍ തിരിച്ചയക്കാത്തതിനെ ചോദ്യം ചെയ്ത് ശശി തരൂര്‍
സി എസ് ആര്‍ തട്ടിപ്പ്: കോണ്‍ഗ്രസ് നേതാവ് ലാലി വിന്‍സെന്റ് പ്രതിയായതോടെ രാഷ്ട്രീയ വിവാദം
ആരോഗ്യ മേഖലയിലെ വികസനം: കേരള ഹെല്‍ത്ത് സിസ്റ്റം ഇംപ്രൂവ്‌മെന്റ് പ്രോഗ്രാമിന് അനുമതി
വിവാഹ സംഘത്തെ മര്‍ദിച്ച എസ് ഐ ഉൾപ്പെടെ നാല് പോലീസുകാർക്ക് സസ്പെൻഷൻ
