മദ്യപിച്ച് മത്സരയോട്ടം; കാറിടിച്ച് ടാക്സി യാത്രക്കാരൻ മരിച്ചു

തൃശൂർ | മത്സരയോട്ടം നടത്തിയ കാറുകളിലൊന്ന് മറ്റൊരു ടാക്സി കാറിലിടിച്ച് യാത്രക്കാരനായ 55കാരൻ മരിച്ചു. തൃശൂർ കൊട്ടേക്കാട് ആണ് സംഭവം. ടാക്സി ഡ്രൈവർ അടക്കം നാല് പേര്‍ക്ക് പരുക്കേറ്റു. ഒരാളുടെ നില ഗുരുതരമാണ്. രാത്രി ഒൻപതോടെയായിരുന്നു സംഭവം.

രണ്ട് കാറുകളാണ് മത്സരയോട്ടം നടത്തിയത്. ഇതിലൊരു കാറാണ് എതിരെ വന്ന ടാക്‌സിയില്‍ ഇടിച്ചത്. ബി എം ഡബ്ല്യു കാറും മഹീന്ദ്ര കാറുമാണ് മത്സരിച്ചോടിയത്. മത്സരിച്ചോടിയവയിൽ ഒന്ന് ടാക്സി കൂടിയാണ്. നേരത്തേയും ഈ കാറുകള്‍ പ്രദേശത്ത് അമിത വേഗതയില്‍ സഞ്ചരിച്ചതായി നാട്ടുകാർ പറഞ്ഞു.

കാറോടിച്ചയാളെ കസ്റ്റഡിയിലെടുത്തിട്ടുണ്ട്. അപകടമുണ്ടാക്കിയ കാറിൽ നിന്ന് മദ്യക്കുപ്പികൾ കണ്ടെടുത്തു. മത്സരച്ചോടിയ കാറിലുണ്ടായിരുന്നവർ ഇറങ്ങിയോടി. സംഭവം വഴിതിരിച്ചുവിടരുതെന്ന് ആവശ്യപ്പെട്ട് വിയ്യൂര്‍ പോലീസ് സ്‌റ്റേഷന് മുന്നില്‍ നൂറുകണക്കിന് ടാക്‌സി ഡ്രൈവര്‍മാർ ഒത്തുകൂടി. ഇന്ന് രാത്രി തന്നെ മുളങ്കുന്നത്തുകാവിൽ ആംബുലൻസ് ബസിന് പിന്നിലിടിച്ച് ഒരു മാസം പ്രായമുള്ള കുഞ്ഞ് മരിച്ചിരുന്നു.