National
വിദേശത്ത് ആസ്തിയുള്ള നികുതിദായകര്‍ വിവരങ്ങള്‍ ജനുവരി 15 നകം വെളിപ്പെടുത്തണം; സമയപരിധി കഴിഞ്ഞാല്‍ 10 ലക്ഷം രൂപ പിഴ
ലേറ്റ് ഫീയോടു കൂടി റിട്ടേണ്‍ സമര്‍പ്പിക്കാനുള്ള തീയതിയാണ് ജനുവരി 15 ന് അവസാനിക്കുക.
തിരുവനന്തപുരം | വിദേശത്ത് ആസ്തിയുള്ള നികുതിദായകര്‍, അവരുടെ ആസ്തികളെ കുറിച്ചും വരുമാനത്തെ കുറിച്ചുമുള്ള വിവരങ്ങള്‍ ഉള്‍പ്പെടുത്തിയുള്ള ആദായനികുതി റിട്ടേണ്‍ സമര്‍പ്പിക്കാനുള്ള സമയപരിധി ജനുവരി 15 ന് അവസാനിക്കും. ഈ വിവരങ്ങള്‍ റിപോര്‍ട്ട് ചെയ്തില്ലെങ്കില്‍ 10 ലക്ഷം രൂപ പിഴയടയ്‌ക്കേണ്ടതായി വരും.
2023-24 സാമ്പത്തിക വര്‍ഷത്തേക്കുള്ള വൈകിയതും പുതുക്കിയതുമായ ഐ ടി ആറുകള്‍ ഫയല്‍ ചെയ്യുന്നതിനുള്ള സമയപരിധി ആദായനികുതി വകുപ്പ് നേരത്തെ 2024 ഡിസംബര്‍ 31 ആക്കിയിരുന്നു. എന്നാല്‍ ഇത് പിന്നീട് 2025 ജനുവരി 15 വരെയാക്കി നീട്ടുകയായിരുന്നു. ലേറ്റ് ഫീയോടു കൂടി റിട്ടേണ്‍ സമര്‍പ്പിക്കാനുള്ള തീയതിയാണ് നീട്ടിയത്.
ഇന്ത്യന്‍ ആദായ നികുതി നിയമം 1961 പ്രകാരം, താമസക്കാര്‍ അവരുടെ വിദേശ ആസ്തികളും വരുമാനവും അവരുടെ ഐ ടി ആറില്‍ റിപോര്‍ട്ട് ചെയ്യണം. വരുമാനം, നികുതി നല്‍കേണ്ട പരിധിക്ക് താഴെയാണെങ്കിലും അല്ലെങ്കില്‍ നിലവില്‍ വെളിപ്പെടുത്തിയ ഫണ്ടുകള്‍ ഉപയോഗിച്ച് വിദേശ ആസ്തി നേടിയാലും ഈ നിയമം ബാധകമാണ്.
Latest
മുല്ലപ്പെരിയാര്‍ അണക്കെട്ടിന് സുരക്ഷാ നിയമപ്രകാരം എന്തെല്ലാം നടപടികളെടുത്തു; കേന്ദ്രത്തിന് സുപ്രീം കോടതി നോട്ടീസ്
കൗമാരകലയുടെ സുവര്‍ണകിരീടം തൃശൂരിന്
മൂന്നാറില്‍ റിസോര്‍ട്ടിന്റെ ആറാം നിലയില്‍ നിന്ന് വീണ് ഒമ്പതുകാരന്‍ മരിച്ചു
കെപിസിസി ട്രഷററുടെ മരണം; കുടുംബത്തിന് വേണ്ടതെല്ലാം ചെയ്യും: അനുനയിപ്പിച്ച് കെപിസിസി സംഘം
സെപ്റ്റിക് ടാങ്ക് ശുചിയാക്കുമ്പോള്‍ സ്ലാബ് കാലില്‍ വീണു; കഴുത്തോളം മാലിന്യത്തില്‍ അകപ്പെട്ട യുവാവിനെ രക്ഷിച്ചത് സാഹസികമായി
പെരിയക്കേസ്; ഇവര്‍ നാലുപേരുടേയും ശിക്ഷാവിധി മരവിപ്പിക്കുമെന്ന് പ്രതീക്ഷിച്ചതാണ്: ജയിലില്‍ എത്തി പ്രതികളെ കണ്ട് പികെ ശ്രീമതി
