Kerala
അധ്യാപക ദമ്പതികളും രണ്ടുമക്കളും വീട്ടില് മരിച്ച നിലയില്
മൃതശരീരങ്ങള് മെഡിക്കല് കോളജിന് വൈദ്യ പഠനത്തിന് നല്കണമെന്ന കുറിപ്പ് കണ്ടെത്തി
കൊച്ചി | ചോറ്റാനിക്കരയില് നാലംഗ കുടുംബത്തെ വീട്ടില് മരിച്ച നിലയില് കണ്ടെത്തി. അധ്യാപക ദമ്പതികളായ രഞ്ജിത്ത്, ഭാര്യ രശ്മി, മക്കളായ ആദി (9), ആദിയ (7) എന്നിവരാണ് മരിച്ചത്.
കാലടി കണ്ടനാട് സ്കൂളിലെ അധ്യാപകനാണ് രഞ്ജിത്ത്. ഭാര്യ രശ്മി പൂത്തോട്ട സ്കൂള് അധ്യാപികയാണ്. നാല് പേരുടെയും മൃതശരീരം മെഡിക്കല് കോളജിന് വൈദ്യ പഠനത്തിന് നല്കണമെന്ന കുറിപ്പ് മൃതദേഹങ്ങള്ക്കടുത്തുനിന്ന് കണ്ടെത്തി. സാമ്പത്തിക പ്രശ്നമാണ് മരണത്തിന് കാരണമെന്നാണ് സൂചന.
രാവിലെ പുറത്ത് ആരെയും കാണാതിരുന്നതോടെ അയല്വാസികള് അന്വേഷിച്ചപ്പോഴാണ് നാലുപേരെയും മരിച്ച നിലയില് കണ്ടത്. മരണത്തിലേക്ക് നയിക്കാവുന്ന രീതിയിലുളള സാമ്പത്തിക ബാധ്യത കുടുംബത്തിനുണ്ടെന്ന് കരുതുന്നില്ലെന്നാണ് അയല്വാസികള് പറയുന്നത്. സംഭവത്തില് പോലീസ് സ്ഥലത്തെത്തി ഇന്ക്വസ്റ്റ് നടപടികള് ആരംഭിച്ചു.
(ആത്മഹത്യ ഒന്നിനും പരിഹാരമല്ല. അതിജീവിക്കാന് ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് വിളിക്കുക. ടോള് ഫ്രീ നമ്പര്: 1056, 04712552056)