ടെക്‌നോയുടെ പുതിയ പോവ 5 പ്രോ 5ജി ഉടന്‍ എത്തും

ന്യൂഡല്‍ഹി| ടെക്‌നോ പോവ 5 പ്രോ 5ജി ഉടന്‍ ഇന്ത്യയില്‍ അവതരിപ്പിക്കും. ആമസോണ്‍ വഴിയാണ് ഫോണ്‍ എത്തുക. ടെക്-ഇന്‍ഫ്യൂസ്ഡ് ഇന്ററാക്ടീവ് എല്‍ഇഡി ഡിസൈനാണ് ഫോണിന് ഉണ്ടാകുക. മീഡിയടെക് ഡൈമെന്‍സിറ്റി 6080 5ജി പ്രോസസറാണ് ഫോണിന് കരുത്ത് നല്‍കുന്നത്. 120 ഹെര്‍ട്‌സ് റിഫ്രഷ് റേറ്റുള്ള 6.78 ഇഞ്ച് എഫ്എച്ച്ഡി പ്ലസ് ഡിസ്‌പ്ലേ, ഗെയിമിങ് ഫീച്ചര്‍,5000 എംഎഎച്ച് ബാറ്ററി, 50 മെഗാപിക്‌സല്‍ എഐ കാമറ എന്നിവയും ടെക്‌നോ പോവ 5 പ്രോ 5ജിയുടെ പ്രത്യേകതയാണ്.

മികച്ച ഗെയിമിങ് അനുഭവത്തിനായി ഹൈ റെസ്, ഡിടിഎസ് സര്‍ട്ടിഫൈഡ് ഓഡിയോ ഡ്യുവല്‍ സ്പീക്കര്‍ എന്നിവയും ഫോണില്‍ നല്‍കിയിട്ടുണ്ട്. ഗെയിമര്‍മാരെ ലക്ഷ്യമിട്ട് പോവ 5 പ്രോ 5ജിയുടെ ഫ്രീ ഫയര്‍ പ്രത്യേക എഡിഷനും കമ്പനി അവതരിപ്പിച്ചിട്ടുണ്ട്. സൗത്ത് ഈസ്റ്റ് ഏഷ്യയിലും, മിഡില്‍ ഈസ്റ്റിലും, ലാറ്റിന്‍ അമേരിക്കന്‍ രാജ്യങ്ങളിലും ആയിരിക്കും ഫ്രീ ഫയര്‍ സ്‌പെഷ്യല്‍ എഡിഷന്‍ പ്രധാനമായും ലഭ്യമാവുക. അവതരണ ചടങ്ങിലായിരിക്കും ഫോണിന്റെ വില വിവരങ്ങള്‍ പ്രഖ്യാപിക്കുക.