ടെക്‌നോ പോവ5, പോവ 5പ്രോ സ്മാര്‍ട്ട്‌ഫോണുകളുടെ വില പ്രഖ്യാപിച്ചു

ന്യൂഡല്‍ഹി| ഓഗസ്റ്റ് 11നാണ് ടെക്‌നോ പോവ 5, ടെക്‌നോ പോവ 5 പ്രോ എന്നീ സ്മാര്‍ട്ട്‌ഫോണുകള്‍ ഇന്ത്യയില്‍ അവതരിപ്പിച്ചത്. അന്ന് ഫോണിന്റെ വില പ്രഖ്യാപിച്ചിരുന്നില്ല. ഈ ഫോണുകളുടെ ഇന്ത്യയിലെ വില ഇപ്പോള്‍ കമ്പനി പ്രഖ്യാപിച്ചു. 11,999 രൂപ മുതലാണ് ഫോണുകളുടെ വില ആരംഭിക്കുന്നത്. ടെക്‌നോ പോവ 5 പ്രോയുടെ ഇന്ത്യയിലെ വില ആരംഭിക്കുന്നത് 14,999 രൂപ മുതലാണ്.

ഓഗസ്റ്റ് 22 മുതല്‍ ആമസോണ്‍ വഴി ഫോണിന്റെ വില്‍പ്പന ആരംഭിക്കും. ഈ ഫോണ്‍ വാങ്ങാന്‍ പഴയ ഫോണുകള്‍ എക്‌സ്‌ചേഞ്ച് ചെയ്യുന്നവര്‍ക്ക് 1,000 രൂപ കിഴിവ് ലഭിക്കും. ഫോണുകള്‍ വാങ്ങുമ്പോള്‍ 6 മാസം വരെ നോ-കോസ്റ്റ് ഇഎംഐ ഓപ്ഷനും ലഭിക്കും.

ടെക്‌നോ പോവ 5 സീരീസ് 6.78-ഇഞ്ച് ഫുള്‍ എച്ച്ഡി+ ഡിസ്പ്ലേകളോടെയാണ് വരുന്നത്. 120എച്ച്ഇസെഡ് റിഫ്രഷ് റേറ്റുള്ള ഡിസ്‌പ്ലെയില്‍ 240എച്ച്ഇസെഡ് ടച്ച് സാംപ്ലിങ് റേറ്റുമുണ്ട്.  6,000എംഎഎച്ച് ബാറ്ററി പാക്കുമായിട്ടാണ് ടെക്‌നോ പോവ 5 സ്മാര്‍ട്ട്‌ഫോണ്‍ എത്തുന്നത്. ഈ ഫോണില്‍ 45ഡബ്ല്യു ഫാസ്റ്റ് ചാര്‍ജിങ് സപ്പോര്‍ട്ടും ഉണ്ട്. ടെക്‌നോ പോവ 5 മുന്‍ തലമുറ മോഡലിനെ പോലെ മീഡിയടെക് ഹെലിയോ ജി99 എസ്ഒസിയില്‍ പ്രവര്‍ത്തിക്കുന്നത്.

ടെക്‌നോ പോവ 5 പ്രോ സ്മാര്‍ട്ട്‌ഫോണില്‍ ഒക്ടാ കോര്‍ മീഡിയടെക് ഡൈമന്‍സിറ്റി 6080 ചിപ്സെറ്റാണുള്ളത്. ആന്‍ഡ്രോയിഡ് 13 ബേസ്ഡ് ഐഒഎസിലാണ് ഈ ഡിവൈസ് പ്രവര്‍ത്തിക്കുന്നത്. സുരക്ഷയ്ക്കായി രണ്ട് ഫോണുകളിലും സൈഡ് മൗണ്ടഡ് ഫിംഗര്‍പ്രിന്റ് സെന്‍സറുകള്‍ നല്‍കിയിട്ടുണ്ട്. ടെക്‌നോ പോവ 5 പ്രോ സ്മാര്‍ട്ട്‌ഫോണ്‍ 5,000എംഎഎച്ച് ബാറ്ററിയുമായി വരുന്നു. സെഗ്മെന്റിലെ ആദ്യത്തെ 68ഡബ്ല്യു ഫാസ്റ്റ് ചാര്‍ജിങ് സപ്പോര്‍ട്ടുള്ള സ്മാര്‍ട്ട്‌ഫോണ്‍ കൂടിയാണ് പോവ 5 പ്രോ.

രണ്ട് കളര്‍ ഓപ്ഷനുകളിലാണ് ടെക്‌നോ പോവ 5 പ്രോ ലഭ്യമാകുന്നത്. ഡാര്‍ക്ക് ഇല്ല്യൂഷന്‍സ്, സില്‍വര്‍ ഫാന്റസി എന്നിവയാണ് അവ. ടെക്‌നോ പോവ 5 ആംബര്‍ ഗോള്‍ഡ്, ഹുറിക്കന്‍ ബ്ലൂ, മെച്ച ബ്ലാക്ക് എന്നീ നിറങ്ങളില്‍ ലഭ്യമാകും.